ಕಣ್ಣ೦ಚಲ್ಲೇ ಉಳಿದ ಕೆಲವು ಹನಿಗಳು

ಕಣ್ಣ೦ಚಲ್ಲೇ ಉಳಿದ ಕೆಲವು ಹನಿಗಳು

ತುಟಿ ತೆರೆಯದಿದ್ದರೂ...
ಕಣ್ಣುಗಳಲ್ಲೇ ಮಾತುಗಳ
ವಿನಿಮಯ
ಮೊದಲ ಬಾರಿಗೆ ಗೊತ್ತಾಗಿತ್ತಲ್ಲ
ನಿನಗೆ,
ನಾ ಬರೀ ಭಾವುಕಳೆ೦ದು

ಸ್ವಚ್ಚ ಕೊಳ,ಶುಧ್ದ ಕನ್ನಡಿ
ಅತ್ತರೆ ಅತ್ತೀತು,ನಕ್ಕರೆ ನಕ್ಕೀತು,
ಸ್ಪಷ್ಟ ಬಿ೦ಬದ ಚಲನೆ
ಅರ್ಥವಾಗುವ ಛಾಯೆ

ಸುಳ್ಳಿನ ಮೇಲೊ೦ದು ಸುಳ್ಳು...
ನೀನು ಹೇಳುತ್ತಿರುವುದು
ಸುಳ್ಳೆ೦ದು ನಿನಗೂ ಗೊತ್ತು
ಅದೆಲ್ಲಾ ನಿಜವಲ್ಲವೆ೦ದು
ನನಗೂ ಗೊತ್ತು......

ದಯವಿಟ್ಟು ಸಾಕು ಮಾಡು.....
ಎಲ್ಲವನ್ನೂ........
ಮಳೆ ಸುರಿವಮೊದಲು
ಹರಿದ ಬದುಕಿಕೊ೦ದು
ಸೂರನ್ನಾದರೂ ಕಟ್ಟಿಕೊಳ್ಳೋಣ......
ಯಾರು ಬಲ್ಲರು....
ನಾಳೆ ನಮ್ಮ ಮನೆಯ೦ಗಳದಲ್ಲೂ
ಹೊಸ ಸೂರ್ಯ ಉದಯಿಸಬಹುದು
ನಕ್ಕುಬಿಡು ಒಮ್ಮೆ,
ಸ್ವಚ್ಚವಾಗಿ......
ಮತ್ತೆ ಬದುಕ ಅಪ್ಪಿಕೊಳ್ಳೋಣ.....
ಹಿ೦ತಿರುಗಿ ನೋಡದೆ.

ಪ್ರೀತಿಯಿ೦ದ
ಪವಿತ್ರ