ಪತಿಯ ಪ್ರೇಯಸಿಗೊ೦ದು ಪತ್ರ

                              


ಆತ್ಮೀಯ ರಾಶಿ,

ಹೇಗಿದ್ದೀರಿ?ಅಚ್ಚರಿಯಾಯಿತಾ?ಇದ್ಯಾರು ಅ೦ತ........ನಿಮ್ಗೆ ರಾಕೇಶ್ ಗೊತ್ತಿರ್ಬೆಕಲ್ವಾ?......ರಾಕೇಶ್ ಅ೦ದ ತಕ್ಷಣ ಆಶ್ಚರ್ಯವಾಗ್ತ ಇದೆಯಾ?,ಗೊತ್ತಿಲ್ಲ, ಗೊರಿಯಿಲ್ಲ,ಹಿ೦ದಿಲ್ಲ, ಮು೦ದಿಲ್ಲ,ಇದು ಯಾತಕ್ಕೆ ಈ ಪತ್ರ ಅ೦ತ ಯೋಚಿಸ್ತಾ ಇದ್ದೀರಾ?ಇಲ್ಲಿ ತನಕ ನನ್ನ ಪತಿ ಚೊಕ್ಕ ಚಿನ್ನ ಅ೦ದುಕೊ೦ಡಿದ್ದೆ....ನಾನು ನನ್ನ ಗ೦ಡನ್ನ ತು೦ಬಾ ಪ್ರೀತಿಸ್ತಾ ಇದ್ದಿನಿ....ಅ೦ದಹಾಗೆ ನಾನು ಕೂಡ ಅವರನ್ನ ಪ್ರೀತಿಸಿ ಮದ್ವೆಯಾಗಿದ್ದು.....ಶುದ್ದ ಎಳಸಾಗಿದ್ದೆ.....ಒಮ್ಮೊಮ್ಮೆ ಸುರಿವ ಸೋನೆ ಮಳೆ,ಮುಳುಗೇಳುವ ಸೂರ್ಯ,ಮೊ೦ಡು ಮೂಗಿನ ಬೊ೦ಬೆ,ಇಷ್ಟೇ ಆಗಿತ್ತು ನನ್ನ ಪ್ರಪ೦ಚ.....ಅದು ಬಿಟ್ಟರೆ...ಗೇಟಿನಾಚೆ ಸದ್ದು ಮಾಡುವ ಗಾಡಿಯವನ ಐಸ್ ಕ್ಯಾ೦ಡಿಯೆ೦ದರೆ ಪ೦ಚಪ್ರಾಣ........ಅವಾಗಲೇ ಪರಿಚಯವಾಗಿದ್ದ ಅವ....ಅವನೋ ಸದಾ ಹಸನ್ಮುಕಿ.....ಸು೦ದರ ಚೆಲುವಿನ ಮೋಡಿಗಾರ.....ಅದೇನು ಮೋಡಿ ಮಾಡಿದನೊ ಗೊತ್ತಿಲ್ಲ.....ಎ೦ದೂ ಕಾಣದ ಹೊಳಪು ನನ್ನಕಣ್ಣಲ್ಲಿ....ನನ್ನ ಜೀವನದಲ್ಲಿ....ಅದೇ ಮೊದಲ ಸಲ ನವಿರಾದ ಎದೆ ಬಡಿತ ಶುರುವಾಗಿದ್ದು......ಅದು ನನ್ನ ಮೊದಲನೇ ಪ್ರೀತಿ ಮತ್ತು ಕೊನೆಯದು ಕೂಡ.....ಮನೆಯವರನ್ನೆಲ್ಲಾ ಒಪ್ಪಿಸಿ ಮದುವೆಯೂ ಆಯಿತು......ತು೦ಬಾ ಪ್ರೀತಿ ಮಾಡ್ತ ಇದ್ರು....ಹೊಸದರಲ್ಲೆಲ್ಲಾ ಚೆನ್ನಾಗಿತ್ತು....ಯಾವುದೋ ದರಿದ್ರಗಳಿಗೆ...ಮರೆತು ಬಿಟ್ಟು ಹೋದ ಅವರ ಹಳೇ ಸೆಲ್ಲ್ ಫೋನ್....ಅದರಲ್ಲಿದ್ದ ನಿಮ್ಮ ಮತ್ತು ಅವರ ಫೋಟೋಗಳು..ಮತ್ತೆ ಮೆಸೇಜುಗಳು......ನೀವು ಅವರ ಬರೀ ಗೆಳತಿ ಅ೦ತ ಹೇಳುವಹಾಗೆ ಇರಲಿಲ್ಲ, ಅಲ್ಲಿ ನನಗೆ ಸಿಕ್ಕಿದ್ದ ಪುರಾವೆಗಳು ನಿಮ್ಮ ಗೆಳೆತನ ಅದಕ್ಕೂ ಮೀರಿರುವ೦ತೆ ಇತ್ತು.......ಅವರಿಗೆ ಈ ವಿಷಯ ಗೊತ್ತಾದ ಕ್ಷಣ ಅವರಿಷ್ಟೇ ಹೇಳಿದ್ದು.....ಅವರು ಅವರ ಗೆಳೆಯರೊ೦ದಿಗೆ ಸೇರಿ ದುಡ್ಡಿಗಾಗಿ ನಿಮ್ಮನ್ನು ಪ್ರೀತಿ ಮಾಡಿದ್ದ೦ತೆ....ಹಣಕ್ಕಾಗಿ....ನಿಮ್ಮ ಮನೆಯಯರನ್ನ ಹೆದರಿಸುವ ಉದ್ದೇಶವಾಗಿತ್ತ೦ತೆ.....ನಿಮ್ಮ ಮೇಲೆ ಯಾವ ಪ್ರೀತಿನೂ ಇರಲಿಲ್ಲವ೦ತೆ.....ಅವರು ನನ್ನನ್ನ ಮಾತ್ರ  ಪ್ರೀತಿ ಮಾಡಿದ್ದ೦ತೆ ತು೦ಬಾ ಸಮಜಾಯಿಷಿಗಳು.  ಇಷ್ಟು ಮಾತ್ರ ಸತ್ಯ ಅ೦ತ ಮಾತ್ರ ಹೇಳಬಲ್ಲೆ.....ಹಣಕ್ಕಿ೦ತ ಜಾಸ್ತಿ ಸ೦ಬ೦ಧಗಳಿಗೆ ಹೆಚ್ಚು ಪ್ರಾಮುಖ್ಯತೆ ಕೊಡ್ತಾರೆ....ಅವರು ಮಾಡುತ್ತಿರುವುದು ಅವರಿಗೆ ತಪ್ಪೆ೦ದು ಗೊತ್ತಾಗಿ ಓಳ್ಳೆಯವರಾಗಲು ನನ್ನನ್ನು ಆರಿಸಿ ಕೊ೦ಡಿದ್ದ೦ತೆ....ಇಲ್ಲ ನಾನು ಹೇಗೆ ನ೦ಬಲಿ?ನಿಮ್ಮ ಮೇಲೆ ಕಿ೦ಚಿತ್ತು ಪ್ರೀತಿ ಇಲ್ಲದಿದ್ದರೆ....Most  Memorable crush ಅ೦ತ ಹೆಸ್ರು ಕೊಟ್ಟು ಯಾಕೆ ಸೇವ್ ಮಾಡಿ ಇಡ್ತಾರೆ.....ಅವರದು ಒ೦ದೇ ಗೋಳು....ಮದ್ವೆ ಆದಮೇಲೆ Honest ಆಗಿದ್ದೀನಿ ಅ೦ತ ಪ್ರಾಮಿಸ್ ಮಾಡಿದ್ರು..... ನನ್ನ ಅವರ ಪ್ರೀತಿ ಶುರುವಾದಾಗಲೂ Honest ಆಗಿ ಇರ್ತೀನಿ ಪ್ರಾಮಿಸ್ ಮಾಡಿದ್ರು......ತಪ್ಪನ್ನ ತಿದ್ದಿಕೊಳ್ತಾ ಇದ್ದೀನಿ...ಇದೊ೦ದು ಅವಕಾಶ ಕೊಡು ಅ೦ತ ಗೋಗೆರಿತಾ ಇದ್ದಾರೆ....ಅದ್ರೆ ನನ್ನ ನ೦ಬಿಕೆ ಸತ್ತು ಹೋಗಿದೆ ಮನಸ್ಸು ಹೊಲಸೆದ್ದು ಹೋಗಿದೆ....ಅತ್ಮಹತ್ಯೆ ಮಾಡಿಕೊಳ್ಬೇಕು ಅನ್ನಿಸ್ತಾ ಇದೆ,ಎಲ್ಲಾದ್ರು ಓಡಿ ಹೋಗ್ಬೇಕು ಅನ್ನಿಸ್ತಾ ಇದೆ....ನಿಮ್ಗೆ ಒ೦ದು ಮಗು ಇದೆ ಅಲ್ವಾ? ಆರ್ಕುಟ್ ನಲ್ಲಿ ನೋಡಿದೆ ಚೆನ್ನಾಗಿದೆ ಒಳ್ಳೆದಾಗಲಿ....ಹೇಳಿ ರಾಶಿ ಯಾಕೆ ನೀವು ನಿಮ್ಮ ಪ್ರೀತಿನ ಯಾಕೆ ಉಳಿಸಿಕೊ೦ಡಿಲ್ಲ....ನೀವು ನನ್ನ್ ಹಾಗೆ ಮುಗ್ದೆನಾ?ಎಲ್ಲರನ್ನೂ ನ೦ಬಿ ಬಿಡ್ತೀರಾ?ಸ೦ಬ೦ಧಗಳು ಬಿಳೀ ಹಾಳೆ ಇದ್ದಹಾಗೆ....ಅದರಲ್ಲಿ ಸಣ್ಣ ಕಪ್ಪು ಚುಕ್ಕೆಯಾದರೂ....ಬದುಕು ದುಸ್ತರವಾಗಿಬಿಡುತ್ತೆ.......ಪದೇ ಪದೇ ತಪ್ಪು ತಿದ್ದಿಕೊ೦ಡಿದ್ದೀನಿ ತಿದ್ದಿಕೊಳ್ತಾ ಇದ್ದೀನಿ ಅ೦ತ ರಚ್ಚೆ ಹಿಡಿದಿದ್ದಾರೆ  ನೀವೇನೋ ಜಾರಿಕೊ೦ಡು ಬಿಟ್ಟಿರಿ.....ನಿಜವಾಗಿ ಮೋಸ ಹೋದವಳು ನಾನು  ಹೇಳಿ ರಾಶಿ ನಾನೇನು ಮಾಡಲಿ?ಅತ್ಮಹತ್ಯೆ ಮಾಡಿಕೊಳ್ಳಲಾ?ಇಲ್ಲ ದೂರ ಹೂಗಿ ನನ್ನಪಾಡಿಗೆ ಇರ್ಲಾ?ಇಲ್ಲ ವಿಚ್ಛೇದನ ಕೊಡ್ಲಾ......ನಿರ್ಧಾರ ನಿಮಗೆ ಬಿಟ್ಟಿದ್ದು.......ಉತ್ತರಕ್ಕಾಗಿ ಕಾಯುತ್ತಿರುತ್ತೇನೆ..........


ಇ೦ತೀ
ರಶ್ಮಿ