ಜೀವನ

ಸುಡು ಬಿಸಿಲಿನಲ್ಲಿ ಕಂಡ ಮುಖ
 ತಂಪಲ್ಲಿ ಮತ್ತೆ ಕಾಣುವ ತವಕ
ಕಂಡಿತೋ ಎಂಬಷ್ಟರಲ್ಲಿ ಮತ್ತೆ ವಿಮುಖ

ಹೀಗೆಯೇ ನಡೆವುದೇ ನೆಳಲು ಬಿಸಿಲಿನಾಟ
ಜೀವನದ ಸಿಹಿ ಕಹಿ ಪಾಠ
ಪ್ರತಿ ಬಾರಿಯೂ ಹೀಗೆಯೇ ಆಗುವುದೇಕೆ
ತವಕಿಸುವ ಮನವು ನನ್ನದೇ ಏಕೆ?

ಅನಿಸುವುದು, ಒಮ್ಮೊಮ್ಮೆ ಜೀವನ ಇಷ್ಟೇಯೇ
ತವಕಿಸುವ ಹಲುಬುವ ಬಗೆಯೇ
ಮತ್ತೊಮ್ಮೆ ನೆನೆಯುವೆ, ಜೀವನ ಹೀಗೆಯೇ
ನಡೆಯದು ನಾವೆಲ್ಲಾ ಬಯಸುವ ಹಾಗೆಯೇ

ಬಾಳ ಬಂಡಿ ನಡೆಯಲೇ ಬೇಕು
ಇಂದಾಗಿ ನಾಳೆಯು ಬರಲೇ ಬೇಕು
ಕಷ್ಟ ಬಂದರೆ ಇಂದು, ಕಾಯುತಿದೆ ಸುಖವು
ಸುಖದ ನಿರೀಕ್ಷೆಯಲಿ ಕಾಯಲೇಬೇಕು.