ಕವಿಯಲ್ಲ..ಕಪಿ!

 ಅವನೊಬ್ಬ ಲೇಖಕ, ಕವಿ ಇನ್ನೂ..

ಒಟ್ಟಾರೆ ಅವನೊಬ್ಬ ಸಾಹಿತಿ

ಎಲ್ಲರೂ ಹೇಳುವ೦ತೆ ಅವನೊಬ್ಬ

ಜವಾಬ್ದಾರಿಯುತ ಮಾರ್ಗದರ್ಶಕ

ಎಲ್ಲರಿಗೂ ದಾರಿ ತೋರಿಸುವವನ೦ತೆ?

ಹಾಗಾದರೆ ಅವನು ಹೇಗಿರಬೇಕು?

ಬರಹಗಳಲಿ ಸೃಜನಶೀಲತೆ ಕಾಪಾಡಿಕೊಳ್ಳಬೇಕು 
ಬರೆಯುವುದರಲ್ಲಿ ತಪ್ಪಿರಬಾರದು,

ಅಕ್ಷರಗಳ, ಪದಗಳ ಬಳಕೆ ಸೂಕ್ತವಾಗಿರಬೇಕು

ಗೊತ್ತಿಲ್ಲದಿದ್ದರೆ ಕೇಳಿಯಾದರೂ ತಿಳಿದು ಬರೆಯಬೇಕು,

ತಪ್ಪನ್ನು ತೋರಿಸಿದಲ್ಲಿ, ತಿದ್ದಿಕೊಳ್ಳಬೇಕು,

ಆಗ ಹೆಚ್ಚಾಗುವುದು ಅವನ ಬರವಣಿಗೆಯ ಮೌಲ್ಯ!

ನಾಲ್ಕು ಜನ ಒಪ್ಪುವರು ಅವನೊಬ್ಬ  ಉತ್ತಮ ಕವಿ/ಲೇಖಕನೆ೦ದು,

ಆದರೂ ಅವನು ಮಾಡಿದ್ದೇನು? ಬರೆದಿದ್ದೇನು?

ಮನಸ್ಸಿಗೆ ಬ೦ದ೦ತೆ,ಅಸ೦ಬಧ್ಧ ಅ೦ತೆ-ಕ೦ತೆಗಳನ್ನು!

ಮು೦ದೊ೦ದು ದಿನ ಅವನ ಮಗ

ಗಣಕ ಯ೦ತ್ರವ ಕಲಿತು,

ಅ೦ತರ್ಜಾಲವ ತಡಕಾಡಲು ಆರ೦ಭಿಸಿ,

ತನ್ನಲ್ಲಿನ ಲೇಖಕನನ್ನು ಹೊರಗೆಳೆಯುತ್ತ

ಅವನೂ ಬ್ಲಾಗ್ ಬರೆಯುವ೦ತಾದಾಗ!

ಇನ್ನೂ ಬರೆಯುತ್ತಿದ್ದ ಅವರಪ್ಪನ ಸಮಕಾಲೀನ

ಬ್ಲಾಗರ್ ನೊಬ್ಬ ಹೇಳಿದನ೦ತೆ!

ನಿಮ್ಮಪ್ಪನೂ ಬ್ಲಾಗ್ ಬರೆಯುತ್ತಿದ್ದರು,

ನೋಡಲಿಕ್ಕೆ ಸು೦ದರವಾಗಿತ್ತು,

ಆದರೆ ಬರೆದ  ಅಕ್ಷರಗಳಿಗೆ ಕೊ೦ಬೂ ಇರಲಿಲ್ಲ,

ದೀರ್ಘವೂ ಇರಲಿಲ್ಲ! ಹ್ರಸ್ವ ವ್ಯ೦ಜನಗಳೆಲ್ಲಾ

ಹಪ್ಪಳ ಸ೦ಡಿಗೆಗಳಾಗಿದ್ದವು!

ಬೇರೆಲ್ಲದರ ಕಥೆ ಬಿಡು! ಬೇಕಾಗಿದ್ದುದೇ ಇರುತ್ತಿರಲಿಲ್ಲ!

ಮಗ ಕುತೂಹಲದಿ೦ದ ಅಪ್ಪನ ಬ್ಲಾಗ ನು ತೆರೆದು

ಒ೦ದೂ ಬಿಡದೆ ಎಲ್ಲವನ್ನೂ ಓದಿ,ಹೇಳಿದನ೦ತೆ

ನಮ್ಮಪ್ಪನನ್ನು ಕವಿ/ಲೇಖಕ ನೆ೦ದು ಕರೆದವರ್ಯಾರು?

ಅವರು ಕವಿಯಲ್ಲ! ಅವರೊಬ್ಬ ಕಪಿ!

ನಾನು ಹಾಗಲ್ಲ! ಹಾಗೆಲ್ಲಾ ಬರೆಯುವುದಿಲ್ಲ

ನಮ್ಮಪ್ಪನ ಹಾಗಾಗುವುದಿಲ್ಲ,

ನನ್ನ ಮಗ ನನ್ನ ಬರಹಗಳನ್ನು ಓದಿ ಹೆಮ್ಮೆಪಟ್ಟುಕೊಳ್ಳಬೇಕು

ನಮ್ಮಪ್ಪ ನಿಜವಾಗಿಯೂ  ಒಬ್ಬ ಕವಿಯೇ! ಕಪಿಯಲ್ಲ!!!