ಮುಂಗಾರು ಮಳೆ

ನಾನು ಇತ್ತೀಚೆಗೆ ನೋಡಿದ ಚಿತ್ರಗಳಲ್ಲಿ ತುಂಬಾ ಹಿಡಿಸಿದ ಚಿತ್ರ ಮುಂಗಾರು ಮಳೆ. ಒಂದು ಸಣ್ಣ ಪ್ರೀತಿಯ ಎಳೆಯನ್ನು ಹಿಡಿದು ಎಂಥ ಸೊಗಸಾದ ದೃಶ್ಯಕಾವ್ಯವನ್ನು ಸೃಷ್ಟಿಸಿದ್ದಾರೆ ನಮ್ಮ ಯೋಗರಾಜಭಟ್ಟರು.

ಚಿತ್ರಕಥೆ,ಹಾಡು,ನಟನೆ,ಛಾಯಾಗ್ರಹಣ ಎಲ್ಲವೂ ಅದ್ಭುತ.ಗಣೇಶ್ ಅಷ್ಟು ಚೆನ್ನಾಗಿ ನಟಿಸಬಲ್ಲರೆಂದು ನಾನು ನಿರೀಕ್ಷಿಸಿರಲಿಲ್ಲ.ಆದರೆ ಮುಂಗಾರು ಮಳೆ ಅವರ ಪ್ರತಿಭೆಗೆ ಸಾಕ್ಷಿ.

ಇದರಲ್ಲಿ ಜೋಗದ ತುದಿಯಲ್ಲಿ ಒಂದು ಸನ್ನಿವೇಶವಿದೆ.ಬಹುಶಃ ಇದುವರೆಗೆ ಯಾರೂ ಜೋಗದ ಸಿರಿಯನ್ನು ಆ ಕೋನದಿಂದ ಚಿತ್ರೀಕರಿಸಿರಲಿಕ್ಕಿಲ್ಲ.ಅಷ್ಟು ಅದ್ಭುತವಾಗಿದೆ ಕ್ಯಾಮರ ಕೈಚಳಕ.

ನೀವೊಬ್ಬ ನಿಸರ್ಗ ಪ್ರೇಮಿಯಾಗಿದ್ದಲ್ಲಿ, ಪ್ರೇಮ ಕಥೆಗಳನ್ನು ಇಷ್ಟ ಪಡುವಂಥವರಾದರೆ ಖಂಡಿತ ಮುಂಗಾರು ಮಳೆ ನೋಡಿ. ನಿಮಗೆ ನಿರಾಶೆಯಾಗದು.