ಕನಸುಗಳನು ಹೊತ್ತು ತನ್ನಿ

ಕನಸುಗಳನು ಹೊತ್ತು ತನ್ನಿ

ಓ ತಾರೆಗಳೇ ನಾನಿದ್ದಲ್ಲಿಗೆ


ನೀವೂ ಬಂದಿರುವಿರಾ


ನಮ್ಮೂರಿಗೂ ಹೋಗಿದ್ದೀರಾ


ನಮ್ಮ ಮನೆಯ ಅಂಗಳದಲ್ಲೂ ನಿಂತಿದ್ದೀರಾ


ದಯಮಾಡಿ ಹೇಳಿ ನನಗೊಮ್ಮೆ


ಕೇಳುವ ತವಕ ನನ್ನಲ್ಲಿ


ಮನಸೆಲ್ಲ ಮನೆಯಲ್ಲಿ


ಮನಸ ಹತ್ತಿರವಿದ್ದವರು


ಯಾರೂ ಇಲ್ಲ ನನ್ನ ಜೊತೆಯಲ್ಲಿ


ಹೊರಡಿ ನೀವು ಈಗಲೇ


ನನ್ನ ಮನೆಯವರಿಗೆ ಮಿತ್ರರಿಗೆ


ನನ್ನ ಸಂದೇಶವ ಕೊಡಿ


ಅವರೊಡನೆ ನಾ ಹಂಚಿಕೊಂಡ


ಸುಮಧುರ ನೆನಪುಗಳೊಡನೆ


ನಾ ಇರುವದು ಹೇಳಿ


ಅವರು ನನಗಾಗಿ ಕೊಡುವ


ಕನಸುಗಳನು ಹೊತ್ತು ತನ್ನಿ


ನಾ ಕಾಯುವೆ ನಿಮಗಾಗಿ


ಪ್ರತಿರಾತ್ರಿ ಕಣ್ಣು


ಮುಗಿಲಿಗೆ ಕಾಸಿ.


 


                           ರುಕ್ಸಾನಾ


 

Rating
No votes yet

Comments