ಮನದ ಮಾತು - ಮೌನ
ಬರಹ
ಮೌನದಲಿ ಹುದುಗಿಹುದು ಮನದೊಳಗಿನ ತಳಮಳ
ಮೇಲೆ ತೇಲುವ ದೋಣಿಗೆ ತಿಳಿಯುವುದೇ ನೀರೊಳಗಿನ ಆಳ
ಹೇಳ ಹೊರಟ ಮಾತು ಗಾಳಿಯೊಳಗೆ ನುಸುಳಿತೆ
ನಿನ್ನ ಕಣ್ಣಿನ ನೋಟ ನಿನ್ನ ಪರವಾಗಿ ನುಡಿಯಿತೆ?
ಅರಿಯದಲೇ ಸೇರಿತು ಹೃದಯದಲಿ ಹಂಬಲ
ಪ್ರತಿ ಕ್ಷಣದ ವಿರಹ, ಅದೆಂತಹುದೋ ಕಳವಳ
ನಿರೀಕ್ಷಣೆಯಲಿ ಕಳೆಯಿತು ನೂರಾರು ಹೊತ್ತು
ಪ್ರೀತಿಯಾ ಭಾವನೆಯೇ? ಇದೆಂತಹ ಹುಚ್ಚು
ನಾನರಿಯೆ ನಿನ್ನೊಳಗೂ ನಡೆದಿದೆಯೇ ಈ ಚರ್ಚೆ
ಕಾಡುತಿಹುದೋ ಕನಸು, ಅಂತರಾಳದಲಿ ವಿಮರ್ಶೆ
ಪ್ರೀತಿ ಅರಳಿದೆ ಎಂತಾದರೆ ನೀಡು ನೀ ತುಸು ಸೂಚನೆ
ಒಂದು ಹೆಜ್ಜೆ ನೀನಿಡೆ ನಡೆದು ಬರುವೆ ನಾ ನಿನ್ನೆಡೆ