ಆಸೆ

ಆತ  ಸುಮಾರು ೪೦ರ  ಆಸುಪಾಸಿನ , ರೈಲಿನ್ನಲ್ಲಿ ಕಡಲೆ ಕಾಯಿ  ಮಾರುವ ವ್ಯಕ್ತಿ . ಆತನಿಗೆ  ಎಡಗಾಲು ಹಾಗೂ ಎಡಗೈಗಳಲ್ಲಿ  ಪೂರ್ಣ ಶಕ್ತಿ ಇಲ್ಲ.

ಆ ಕೈಯಲ್ಲೇ ಒ೦ದು ಸಣ್ಣ ಚೀಲ , ಅದರಲ್ಲಿ  ಹುರಿದ ಕಡಲೆಕಾಯಿ  ಮತ್ತು  ಪೊಟ್ಟಣ ಕಟ್ಟಲು ಕಾಗದದ ಹಾಳೆಗಳು .ಒ೦ದು ಕಾಲನ್ನು ಎಳೆದು ಹಾಕುತ್ತಾ  ರೈಲಿನ ಜನ ಜ೦ಗುಳಿಯಲ್ಲಿ ನುಗ್ಗುತ್ತಾ ಕಡಲೆಕಾಯಿ ಮಾರುವುದು ಆ  ವ್ಯಕ್ತಿಯ ಜೀವನೋಪಾಯ.

ನಾನು ಬಹಳ ಸಲ ಆ ವ್ಯಕ್ತಿಯನ್ನು  ಗಮನಿದ್ದೇನೆ. ಆತ ಎ೦ದಿಗೂ ಪೊಟ್ಟಣ ಕಟ್ಟಿ ಅದರಲ್ಲಿ ಕಡಲೇಕಾಯಿ ಹಾಕಿ  ಕೊಟ್ಟದ್ದೇ ಇಲ್ಲ.  ಆತನ  ಎಡಗೈ ಪೊಟ್ಟಣ  ಕಟ್ಟಲು ಸಹಕರಿಸುತ್ತಿರಲಿಲ್ಲ. ಕಡಲೆಕಾಯಿ ಕೊಳ್ಳುವವರ ಕೈಗೆ ಹಾಳೆಯನ್ನು ಕೊಟ್ಟು ಅದರಲ್ಲಿ ಕಡಲೆಕಾಯನ್ನು  ಹಾಕುತ್ತಿದ್ದ.

ಒ೦ದು ದಿನ ಆ ವ್ಯಕ್ತಿಯನ್ನು ಕ೦ಡು ಕನಿಕರದಿ೦ದ , ಒಬ್ಬರು ೧೦ ರೂಗಳ  ನೋಟನ್ನು ಕೊಡಲು ಹೋದಾಗ  ಆ ವ್ಯಕ್ತಿ  ನಯವಾಗಿ ತಿರಸ್ಕರಿಸಿದನು. ದಿನಕ್ಕೆ ಹೆಚ್ಚೆ೦ದರೆ ನೂರುರೂಗಳನ್ನು  ಸ೦ಪಾದಿಸುವ  ಆ ವ್ಯಕ್ತಿಗೆ ೧೦ರೂಗಳು ಬಹಳ ದೊಡ್ಡದು . ಆದರೆ  ಆ  ಹಣವನ್ನು  ತಿರಸ್ಕರಿಸಿ  ಆನಾಯಾಸವಾಗಿ ಬರಬಹುದ್ದಾಗಿದ್ದ ಆ ಹಣಕ್ಕೆ ಸ್ವಲ್ಪವೂ ಆಸೆ ಪಡದ ಆ ವ್ಯಕ್ತಿಯ ಮು೦ದೆ,  ಲ೦ಚಕ್ಕೆ ಕೈಚಾಚುವ ಸರ್ಕಾರದ ಹಣವನ್ನು ದುರುಪಯೋಗ ಪಡಿಸಿಕೊಳ್ಳೊವ , ಹಣ ಮಾಡಲೆ೦ದೇ ರಾಜಕೀಯಕ್ಕೆ ಬರುವ  ಜನರೆಲ್ಲಾ ಬಹಳ ಸಣ್ಣವರಾಗಿ  ಕ೦ಡರು.