ಬ್ರಹ್ಮ

 ಬ್ರಹ್ಮ

ನನ್ನವಳು ಕೇಳಿದಳು ಚೆನ್ನಾದ ಪ್ರಶ್ನೆಯನು
ಬ್ರಹ್ಮ ಎಂಬುದು  ಏನು ? ತಿಳಿಸುವೆಯೇನು ?
ಬಹುಕಾಲದ ಸಂದೇಹವ  ಪರಿಹರಿಸುವೆಯೇನು ?

ಬಲು ಸುಲಭದ ಪ್ರಶ್ನೆ
ಉತ್ತರಕೆ ನಾನಾಗ ತಿಣುಕಾಡಿದೆ
ಭಾರತೀಪತಿ ಬ್ರಹ್ಮ ಎಂದುಬಿಟ್ಟೆ
ಪದಗಳಿಗೆ ಎಟುಕದದು  ಎಂದು ಜಾರಿದ್ದೆ

ಅದ್ವೈತಧಾರೆಯಲಿ ಬ್ರಹ್ಮರಿಬ್ಬರು ಉಂಟೇ ?
ಬ್ರಹ್ಮವೆಂಬುದು ನಮಗೆ ದೂರವುಂಟೇ ?
ಬ್ರಹ್ಮ ಸಾಕ್ಷಾತ್ಕಾರ ಎನಗಾಗದನ್ನಕವೂ
ಭಾರತಿಯ ದಾಹವನು ನೀಗಲುಂಟೇ  ?

'ಏಕಂಸತ್ '  ಇದೋ ನೋಡು ಇದೇ  ನಿನ್ನ ಬ್ರಹ್ಮ
ಸತ್ಯದತ್ತ ಹೊರಟಿರುವ ನಾನು ನನ್ನ ಬ್ರಹ್ಮ
ಬ್ರಹ್ಮನರಸಿಯಾಗಬೇಕು ವಾಣಿಯಾಗಿ ಎನ್ನ
ವಿದ್ಯಾಭಿಮಾನಿ ದೇವತೆಯು ನೀನೆ ನನ್ನ ಚಿನ್ನ

---  ***  ---

( ನನ್ನವಳು ಕವಿಪತ್ನಿ ಭಾರತಿ )
                                                                                               --  ಸದಾನಂದ