ಸಖೀ, ನಾನೇನ ಬರೆಯಲಿ?

ಸಖೀ, ನಾನೇನ ಬರೆಯಲಿ?

ಸಖೀ,

ದೇವರ ಬಗ್ಗೆ,
ಭಕ್ತಿಯ ಬಗ್ಗೆ,
ನಾ ಬರೆದರೆ,
ಈ ಅಧ್ಯಾತ್ಮ ಈಗ ಯಾಕೆನ್ನುವೆ;

ಪ್ರೀತಿಯ ಬಗ್ಗೆ,
ಸಖಿ, ನಿನ್ನ ಬಗ್ಗೆ,
ನಾ ಬರೆದರೆ,
ಈ ವಯಸ್ಸಿನಲ್ಲಿ ಅತಿಯಾಯ್ತೆನ್ನುವೆ;

ಸಮಾಜದ
ಹುಳುಕುಗಳ ಬಗ್ಗೆ
ನಾ ಬರೆದರೆ,
ಈತ ಎಲ್ಲರನ್ನೂ ತಿದ್ದುವವನೆನ್ನುವೆ;

ರಾಜಕೀಯದ ಬಗ್ಗೆ,
ಭ್ರಷ್ಟ ಮುಖಂಡರ ಬಗ್ಗೆ,
ನಾ ಬರೆದರೆ,
ರಾಜಕೀಯ "ಪ್ರೊಪಗಾಂಡ"
ಇದೆಂದು ತಿರಸ್ಕರಿಸಿ ನೀ ನಿಲ್ಲುವೆ;

ಅದಕ್ಕೇ ಸಖೀ,
ನಾನೇನ ಬರೆಯಲಿ?
ನೀನೇ ಸ್ವಲ್ಪ
ಬಿಡಿಸಿ ಹೇಳು.
ಎಂದು ನಿನ್ನ
ನಾ ಬೇಡಿಕೊಳ್ಳುತಿರುವೆ!
************