ಬೆಕ್ಕಿನ ಮರಿಗಳ ಅಳಲು

ಎಲ್ಲಿ ಹೋದಳೋ  ಅಮ್ಮ ನಮ್ಮನು

ಇಲ್ಲಿ ಬಿಡುತಲಿ ಮೆಲ್ಲಗೆ

ಗುರುತು ಇಲ್ಲದ ತಾವು ನಮಗದೋ

ಯಾರೋ ಬರುತಿಹರಿಲ್ಲಿಗೆ !  [೧]

ಮೆತ್ತನೆಯ ಹಾಸಿರುವ ಬುಟ್ಟಿಯ

ನೆತ್ತಿ ಒಯ್ವರೋ ನಮ್ಮನು?

ಎತ್ತಿ ಒಗೆವರೋ ಕೆಳಗೆ ಚಳಿಯಲಿ

ತೋರದೆಯೆ ತುಸು ದಯೆಯನು? [೨]

ನಡುಗುತಿದೆ ಮೈ,ನಿಮಿರಿ ನಿಂತಿಹ

ರೋಮ,ಎದೆಯಲಿ ಕಳವಳ

ಅರಳುಗಣ್ಣಲಿ  ಭಯದ ಮಬ್ಬಿದೆ

ಹೇಳಲಾರದ ತಳಮಳ       [೩]

ಹೊಟ್ಟೆ ಹಸಿಯಲು, ರಟ್ಟೆ ಮುದುರಿಸಿ

ಕುಳಿತುಕೊಂಡಿಹೆವಿಲ್ಲಿಯೇ

ಊರು ಅರಿಯದು, ಭಾಷೆ ತಿಳಿಯದು

ಬಂದು ಸಲಹೈ ತಾಯಿಯೇ   [೪]