ಏನು ಬರೆಯಲಿ ಇಂದು...
ಕವನ
ಏನು ಬರೆಯಲಿ ಇಂದು
ಕಥೆಯೆ ಕವನವೆ ಒಂದು?
ಕ್ಷಣ ಯುಗದ ಚರಿತೆಗಳ
ನಾಟಕವೆ ಒಂದು?
ಕಪ್ಪು ಕಣ್ಣಿನ ಚೆಲುವೆ
ಹೊಗಳಿ ಬರೆಯಲೆ ಮೊದಲೆ?
ಶೂರನೊಂದಿಗೆ ಮದುವೆ
ಮಾಡಿ ಮುಗಿಸಲೆ ಕೊನೆಗೆ?
ತತ್ವ ಶಾಂತಿಯ ಬದನೆ
ಕಾಯಿ ತುಂಬಿಸಿ ಇಡಲೆ?
ದಿನ ’ನಿತ್ಯ’ದಾನಂದ
ಹಾಳೆ ತುಂಬಿಸಿ ಬಿಡಲೆ?
ಸಂಜೆ ಕೆಂಪಿನ ಬಾನು
ಹಚ್ಚ ಹಸಿರಿನ ಕಾನು
ಹಾಳು ಮನೆಯ ಕಮಾನು
ಬಣ್ಣಿಸಿಡಲೇ ನಾನು.
ಏನು ಬರೆಯಲಿ ಹೇಳಿ
ಹಾಳೆಯಿನ್ನೂ ಖಾಲಿ
ಹೇಳಿ ಅದೇನೆಂದು
ಕಥೆಯೆ ಕವನವೆ ಒಂದು?
- Log in to post comments