ದೊಂಬರಾಟದ ಜನಗಳು ನಾವು

ಕವನ

ದೊಂಬರಾಟದ ಜನಗಳು ನಾವು

ತರ ತರ ಸರ್ಕಸ್ ಮಾಡುವೆವು

ಹಗ್ಗದ ಮೇಲೆ ನಡೆದು ಕುಣಿಯುತಾ

ನೀಡೋ ನೋಟನೆದುರು ನೋಡುವೆವು|1|

ಹತ್ತು ದಾಟದ ಹುಡುಗಿಯರಾದರೆ

ಹಗ್ಗದ ಮೇಲಿನ ಕುಣಿದಾಟ

ತಂಬಿಗೆಯ ಹೊತ್ತು, ರಿಮ್ಮಲಿ ನಿಂತು

ಒಂದು ತುದಿಯಿಂದಿನ್ನೊಂದಕೆ ದಾಟಾಟ|2|

ಅರಿಯದಾದೆಯಾ ನಮ್ಮಯ ಮನಸ

ಅರ್ಹರು ನೋಡದೆ ನಮ್ಮಯ ಕೆಲಸ

ಕಾಣಲಾದೀತೆ ಉಜ್ವಲ ಕನಸ?

ಹೊತ್ತ ತುತ್ತಿಗೀ ನಮ್ಮಯ ಪ್ರಯಾಸ|3|

ದೊಡ್ಡವರಾಗಲು ಡ್ರಮ್ಮ ಹಿಡಿಯುವೆವು

ವಾವೆಂಬುವಂತ ನಾದ ನುಡಿಸುವೆವು

ಕೀಳು ಕೆಲಸವೆಂದಾಡುವಿರೇತಕೆ?

ನಮಗೂ ಮನೆ, ಶಾಲೆಯೆಂಬ ಆಸೆಯಿದೆ

ಶುಭ್ರ ಜೀವನದಿರಾದೆಯಿದೆ|4|

ಕಿತ್ತು ತಿನ್ನುವರಿಂದುಳಿಸೆ ಮರ್ಯಾದೆ

ಅಳುವ ಕೂಸುಗಳಿಗಿಕ್ಕಲಾಯಾಸ

ಕೆಲಸ, ಮನೆಯೆಂದು ನಿಮ್ಮದೊಂದಾಟ

ಹೊಟ್ಟೆಗಾಗೆ ನಮ್ಮೀ ದೊಂಬ್ರಾಟ|5|

Comments

Submitted by ravi kumbar Fri, 03/25/2011 - 16:10

Submitted by prashasti.p Sun, 03/27/2011 - 21:35