ಮದುವೆಯಾದ ಮೇಲೆ ಎಷ್ಟು ದಿನ ತಿರುಪತಿಗೆ ಹೋಗಬಾರದು?

ನನಗೆ ತಿರುಪತಿ ಎಂದರೆ, ವೆಂಕಟೇಶ್ವರ ಎಂದರೆ ಪಂಚಪ್ರಾಣ. ವರ್ಷಕ್ಕೆ ಒಮ್ಮೆಯಾದರೂ ಅಲ್ಲಿಗೆ ಭೇಟಿ ಕೊಡುತ್ತೇನೆ. ಪ್ರತಿ ವರ್ಷ ಜನವರಿ ೨೬ ರಂದು ಹೋಗುವ ಪರಿಪಾಟಲಿತ್ತು. ಈ ಬಾರಿ ಕೆಲವು ಕಾರಣಗಳಿಂದ ಅಂದು ಹೋಗಲಾಗಲಿಲ್ಲ. ನಂತರ ಹೋಗೋಣ ಎಂದುಕೊಳ್ಳುವಷ್ಟರಲ್ಲಿ ಮದುವೆ ಆಯಿತು. ಆಮೇಲೆ ಹೋಗೋಣ ಅನ್ನುವಷ್ಟರಲ್ಲಿ ಬಹಳಷ್ಟು ಮಂದಿ ಮದುವೆ ಆದ ಮೇಲೆ ೬ ತಿಂಗಳು ತಿರುಪತಿಗೆ ಹೋಗುವ ಹಾಗಿಲ್ಲ ಎನ್ನುತ್ತಿದ್ದಾರೆ. ಅದಕ್ಕೆ ಕಾರಣ ಕೇಳಿದರೆ ಸಂಪರ್ಪಕವಾದ ಉತ್ತರ ಯಾರಿಂದಲೂ ಸಿಗುತ್ತಿಲ್ಲ. ಆದರೆ ಹೋಗಬಾರದು ಎಂದು ಮಾತ್ರ ಹೇಳುತ್ತಿದ್ದಾರೆ. ಯಾರಿಗಾದರೂ ಸರಿಯಾದ ಕಾರಣ ತಿಳಿದಿದ್ದರೆ ತಿಳಿಸುವಿರ?