ಹೀಗ್ಯಾಕೆ ..?

ಬಾಳೆಎಲೆಯಲಿ ಮೃಷ್ಟಾನ ಭೋಜನ
ಒತ್ತಾಯದ ಊಟ ಹಸಿವಿರದ ಹೊಟ್ಟೆಗೆ
ಎಂಜಲೆಲೆ ತೆಗೆದ ಹಸಿದ ಬಾಲೆಯ ಪಾಲು
ಮೂಲೆಯಲ್ಲಿ ಬಿದ್ದಿರುವ ನಾಯಿಯ ತಟ್ಟೆಗೆ

ಬೆಳಗ್ಗೆ ಪಾರ್ಕಲ್ಲಿ ಓಡಿ ಬೆವರಿಳಿಸುತ್ತಿದೆ
ಹಾಲಿನ ಬೂತ್ ಗೆ ಏ.ಸಿ. ಕಾರಲ್ಲಿ ಹೋಗುವ ಬೂಟು
ಪೇಪರ್ ಹಾಕುವ ಸೈಕಲ್ ನಡುಗುತ್ತಿದೆ
ನೀ ಹೊದಿಸಬಾರದೇ ವರ್ಷದಿಂದ ಮೂಲೆಗೆ ಬಿದ್ದ ಸೂಟು

ಚೌಕಾಸಿ ಸೊಪ್ಪಿನ ಗಾಡಿಯವನಲ್ಲಿ
ಸೋಪ್ಪಿಲ್ಲದ ಸಪ್ಪೆ ಸಾರು ೨ ರುಪಾಯಿ ಮಾತಿಗೆ
ಶೂಕಿ ಮಾಲಿನ ಟ್ರೋಲಿಗಾಡಿಯಲ್ಲಿ
ನಗುತಲಿದೆ ಬೆಳಗ್ಗಿನ ಸೋಪ್ಪು ೨ ಪಟ್ಟು ಬೆಲೆಗೆ

ಬೇಡಿಕೆಯ ಅರ್ಜಿ ಸಲ್ಲಿಸಿ ಪ್ರಾಥನೆ
ಕಾಣದ ದೇವರಿಗೆ ನೋಟಿನ ಲಂಚ ಒಳಗೆ
ಚಪ್ಪಲಿ ಕಾದು ಕುಳಿತ ಕುರುಡಗೆ
ಕಿಸೆಯಲ್ಲಿನ ನಾಣ್ಯದ ಹುಡುಕಾಟ ಹೊರಗೆ

ಬಾಲಕಾರ್ಮಿಕ ಶೋಷಣೆ ರಾರಾಜಿಸುತ್ತಿದೆ
ಮುಗಿಯದ ನೇತನ ಭಾಷಣದೊಳು
ಬೆಳಗ್ಗಿನಿಂದ ಮಿರ ಮಿರುಗುತ್ತಿದೆ ಕಾಲಕೆಳಗೆ
ಆರರ ಬಾಲ ಮಾಡಿದ ಪೋಲಿಷ್ ಹಸಿವೆಗೆ



ನಿಮ್ಮ

ಕಾಮತ್ ಕುಂಬ್ಳೆ