ಆಗಸದಿ ಚಂದ್ರಮನು ಅಂಜುತಿಹನು

ಆಗಸದಿ ಚಂದ್ರಮನು ಅಂಜುತಿಹನು

By Jayanth Ramachar on Tue, 03/22/2011 - 10:00
ಕವನ

ಕೈಯಲ್ಲಿ ಕೈ ಹಿಡಿದು ನನ್ನೊಡನೆ ನೀನಿರಲು

ನಿನ್ನ ಶಿರವ ನನ್ನ ಭುಜದ ಮೇಲೆ ಆನಿಸಿರಲು

ನಿನ್ನ ಬೆಚ್ಚನೆಯ ಶ್ವಾಸ ನನಗೆ ತಗುಲಿತರಲು


ವರ್ಣಿಸಲಾರೆ ನಾ ಈ ಮಧುರಾನುಭೂತಿಯ

 

ನಿನ್ನ ಕಣ್ಣ ಕನ್ನಡಿಯೊಳಗೆ ಕಂಡೆ ನನ್ನ ಪ್ರತಿಬಿಂಬವ

ನೀ ಮುಡಿದ ಮಲ್ಲಿಗೆಯ ಕಂಪು ಸುತ್ತ ಪಸರಿಸಲು

ತಣ್ಣನೆಯ ಗಾಳಿಯಲಿ ಆ ಕಂಪು ಬೆರೆತು

ಸ್ವರ್ಗವೇ ಧರೆಗಿಳಿದಂತಾಯಿತು ಗೆಳತಿ....

 

ಆಗಸದಿ ಚಂದ್ರಮನು ಅಂಜುತಿಹನು ಹೊರಬರಲು

ನಿನ್ನಂದಕೆ ಎಲ್ಲಿ ಸೋಲುವನೋ ಎಂಬ ಭಯದಿ..

ತಾರೆಗಳು ನಡೆಸಿಹುದು ಪೈಪೋಟಿಯ

ನಿನ್ನ ಮುಡಿಗೆ ಹೂವಾಗಿ ಬಂದು ಸೇರಲು ಗೆಳತಿ

Comments