ಒಕ್ಕೊರಲಾಗಲಿ ವಂದೇ ಮಾತರಂ

ಒಕ್ಕೊರಲಾಗಲಿ ವಂದೇ ಮಾತರಂ

ಒಕ್ಕೊರಲಾಗಲಿ ವಂದೇ ಮಾತರಂ 
ಮೊಳಗಿಸಿ ಭಾರತ ಒಕ್ಕಲರೇ  ||
ವಂದೇ ಮಾತರಂ ವಂದೇ ಮಾತರಂ ||ಪ||

ಅಡಿ ಅಡಿ ಮಹಿಮೆಯ ನೆಲದೊಳಗಿಟ್ಟು
ಬಿಡದಿಹ ಛಲವನು ಮನದಲಿ ನೆಟ್ಟು
ಒಂದೇ ಭಾವದಿ ನಂಬಿಕೆ ಇಟ್ಟು
ಕುಂದಿನ ಕಿನಿಸನು ಹೊರಗಡೆ ಬಿಟ್ಟು ||೧||

ಒಕ್ಕೊರಲಾಗಲಿ ವಂದೇ ಮಾತರಂ 
ಮೊಳಗಿಸಿ ಭಾರತ ಒಕ್ಕಲರೇ  ||
ವಂದೇ ಮಾತರಂ ವಂದೇ ಮಾತರಂ ||ಪ||

 ದುಸ್ತರ ಮತ್ಸರವೆಂಬುದ ತೊರೆದು
ದುಸ್ಸಹವೆನ್ನದೆ ಎಲ್ಲವ  ತಿಳಿದು
ಒಕ್ಕತನವು ಗೆಲು ಮಾರ್ಗವದರಿತು
ಚೊಕ್ಕತನದಿ ಜಯಗೀತವನುಲಿದು ||೨||

ಒಕ್ಕೊರಲಾಗಲಿ ವಂದೇ ಮಾತರಂ 
ಮೊಳಗಿಸಿ ಭಾರತ ಒಕ್ಕಲರೇ  ||
ವಂದೇ ಮಾತರಂ ವಂದೇ ಮಾತರಂ ||ಪ||

ದೇಶ ಸಮಗ್ರತೆ ಶಾಶ್ವತವಿರಲಿ
ದ್ವೇಷಾಸೂಯೆಯ ಭಾವವಡಗಲಿ 
ಎಲ್ಲೆಡೆ ಒಂದೇ ಭಾವವು ಇರಲಿ
ಬಲ್ಲಿದರೆನ್ನುವ ಖ್ಯಾತಿಯು ಬರಲಿ ||೩||

ಒಕ್ಕೊರಲಾಗಲಿ ವಂದೇ ಮಾತರಂ 
ಮೊಳಗಿಸಿ ಭಾರತ ಒಕ್ಕಲರೇ  ||
ವಂದೇ ಮಾತರಂ ವಂದೇ ಮಾತರಂ ||ಪ||

                                                                                                                - ಸದಾನಂದ