ಮತ್ತೆ ಬರಬಾರದೇ?

ಊರಾಚೆಯ ಕೆರೆಯ ತೀರದಲಿ

ನಾವು ಕುಳಿತು, ಪಾದಗಳ ನೀರೊಳಗೆ

ಇಳಿಬಿಟ್ಟು, ನಿನ್ನ ಪಾದಕೆ ಮೀನೊಂದು

ಕಚ್ಚಿ, ನೀ ಕಿರುಚಿದಾಗ, ನಾ ಮನ ತುಂಬಿ

ನಕ್ಕ ಆ ಅಮೃತಘಳಿಗೆ...

        ................ಮತ್ತೆ ಬರಬಾರದೇ?

ನನ್ನ ಮನಗೆಡಿಸಿದ ನಿನ್ನ ಕಣ್ಣೊಳಗೆ

ಕಸವೊಂದು ಹೊಕ್ಕು, ತುಂಬಿ ಬರಲು

ನಿನ್ನ ಕಣ್ಣಾಲಿಗಳು, ಸರಿಪಡಿಸುವ ನೆಪದಲಿ

ನಿನ್ನ ರೆಪ್ಪೆಯ ಚುಂಬಿಸಿದ

ಆ ಮಧುರ ಕ್ಷಣ...

        ................ಮತ್ತೆ ಬರಬಾರದೇ?

ಜಗದ ಪರಿವೆಯ ಬಿಟ್ಟು, ಈ ಸಂತೆಯ ಚಿಂತೆಯ

ಚಿತೆ ಮಾಡಿ, ತಿಳಿ-ಆಗಸವ ನೋಡುತ

ಮಂದಸ್ಮಿತನಾಗಿ, ನಿನ್ನ ಮಡಿಲಲ್ಲಿ ಮಗುವಂತೆ

ಮಲಗಿ ಸಂಭ್ರಮಿಸಿದ ಆ

ಅವಿಸ್ಮರಣೀಯ ಸಮಯ...

        ................ಮತ್ತೆ ಬರಬಾರದೇ?