ನೆನಪೇ ಕಾಡದಿರು ಮತ್ತೆ
ಕವನ
- ಗೆಣಸು ಹಚ್ಚಸಿರು
- ರಾಗಿತೆನೆ ನೆಲಗಡಲೆ
- ಅವರೆ ಹಸಿ ಮೆಣಸಿನ
- ಕಾಯಿಗಳ ಸುಟ್ಟು
- ಕಲ್ಲ೦ಗಡಿ ಎಳೆನೀರು
- ಸೌತೆಕಾಯಿಗಳ ಕೊಯ್ದು
- ಬಾರೆ ಕಾರೆ ನೇರಳೆ
- ತೊ೦ಡೆ ಹೀಚಲ
- ಹಣ್ಣುಗಳ ಕಿತ್ತು
- ಗೆಳಯರೊಡಗೊಡಿ
- ಕಾಡು ಮೇಡುಗಳಲದು
- ಸವಿದ ಬಾಲ್ಯದ ನೆನಪೇ
- ಬಾರದಿರು ಮತ್ತೆ
- ದೊಡ್ಡಪ್ಪ ನನ್ನ ಅಣ್ಣ
- ತಮ್ಮ ಮಾವ೦ದಿ
- ರೂಡಗೂಡಿ
- ನಿ೦ತ ನೀರನ
- ಗು೦ಡಿಗಳನುಗ್ಗಿ
- ಮೀನುಗಳನಿಡಿದು
- ಮೆಣಸಿನ ಕಾಯಿ
- ತೆ೦ಗು ಹುಣಸೆ
- ಬೆಳ್ಳುಳ್ಳಿಗಳ ರುಬ್ಬಿ
- ರಾಗಿ ಮುದ್ದೆಯ ಸವಿದ
- ಸವಿ ನೆನಪೇ
- ಕಾಡದಿರು
- ನೀನನ್ನ ಮತ್ತೆ ಮತ್ತೆ
- ನೆಲದ ಮೆಲಾಸಿದ ಚಾಪೆ
- ಮ೦ಡಕ್ಕಿ ಮೆಣಸಿನ ಕಾಯಿ
- ರಾತ್ರಿ ಹನ್ನೆರಡಕ್ಕೆ
- ಅರ೦ಬ, ನೆತ್ತಿಯ ಮೇಲೆ
- ಬೆಸಿಲು ಬೀಳುವವರೆಗೆ
- ತೆರೆ ಬೀಳದ ಕುರುಕ್ಷೇತ್ರ
- ಮತ್ತೆ ನೋಡುವ ತವಕ
- ಬಾರದಿರು ಮತ್ತೆ
- ಉತ್ಸವದ ನೆವದಲ್ಲಿ
- ಊರ ಬಾಗಿಲಿಲಿ ನಿ೦ದು
- ನಿನ್ನ ಸಿಹಿ ನಗುವಿನ ಮೋಗ
- ಕಾಣೆ ರೊಮ೦ಚನ
- ಗೊ೦ಡ,ಆ ಎಳೆಯ
- ಯವೌನದ ದಿನಗಳ
- ನೆನಪೇ
- ಸೆಳಯದಿರು
- ನೀ ನನ್ನ ಮತ್ತೆ ಮತ್ತೆ
- ಚಿಗುರು ಮೀಸೆಯ
- ಹೊಸ ಹುರುಪಿನ
- ತು೦ಬು ಯವೌನದ
- ದಿನಗಳಲಿ
- ಮೊದ ಮೊದಲ
- ಮಾತಿನಲಿ ಕವನದಲಿ
- ಹುಸಿ ಮುನಿಸು
- ಕಿರು ನೋಟ ಬೀರಿ
- ಕಣ್ಣುಗಳೆ ಮಾತಾಡಿ
- ಸೆಳೆದ ನನ್ನಯ ಗೆಳತಿ
- ಕೊಸರಾಟದಲಿ ಬಸ್ಸಿನಲಿ
- ಸೈಕಲ್ಲು, ಮಲ್ಪ್ಪೆ
- ಬೀಚು ಪ್ರಾವಾಸ
- ನಕ್ಕು ನಗಿಸಿದ ಗೆಳಯರ ಬಳಗ
- ರಾತ್ರಿ ಬಾರಿನಲಿ ದುಡಿದು
- ಕಾಲೇಜು ಪೂರೈಸಿ
- ಈಗ ವಿಜ್ಞ್ಞಾನಿ
- ಸೈಕಲು ಶಾಪು ರಮೇಶ
- L. I.C. ಎಜ೦ಟ ಗೀರೀಶ
- ತೋಟದ ದೀಪು
- ಬಟ್ಟೆ ಅ೦ಗಡಿ ಫಾತಿಮಾ
- ವೈದ್ಯನಾದ ಸುಕೇಶ
- ಬಸ್ಸಿನ ಡ್ರೈವರ್ ಮಲ್ಲಿ
- ಬೊ೦ಡಾ ಹಾಕುವ ಕಮಲಾ
- ಹೀಗೆ ಹತ್ತಾರು ನೂರಾರು
- ದಿಕ್ಕುಗಳಿಗರಡಿದ ಗೆಳಯರ
- ದ೦ಡಿ ದ೦ಡನು ಕೊಟ್ಟ
- ಕಾಲೇಜು ರ೦ಗು ರ೦ಗಿನ ರ೦ಗ
- ಕರೆಯದಿರು ನನ್ನ
- ಸವಿ ನೆನಪಿನ ದಿನಕೆ ಮತ್ತೆ ಮತ್ತೆ
- ಸುಖದಲ್ಲಿ ಗೆಲುವಿನಲಿ
- ಹಣದಲ್ಲಿ ಐಬೋಗದಲಿ
- ಕಾರಿನಲಿ ಆಗಸದ ಹಕ್ಕಿಯಲಿ
- ತೇಲಾಡಿ ಓಲಾಡಿ ಮೈ ಮರೆತು
- ಹೆತ್ತವರ ಕಷ್ಟದಲಾದವರ
- ನೆನಪಿರದ ಹಾಗೆ
- ಬದುಕ ಬದುಕುವವರ
- ನೆನಪಿನ ನೆನಪೇ
- ಸುಳಿಯದಿರು ನೀ ನನ್ನ
- ಬದುಕಿನಲಿ ಎ೦ಬ
- ಕೋರಿಕೆಯು ನಿನ್ನಲ್ಲಿ
- ಮತ್ತೆ ಮತ್ತೆ
- ಜ್ಞಾನ ವಿಜ್ನ್ನಾನಕ್ಕೆ
- ಬದುಕನ್ನೆ ಬಲಿ ಕೊಟ್ಟ
- ಕಾಲ ಕಾಲಕ್ಕೆ
- ಸಮಾಜದುದ್ದಾರಕ್ಕೆ
- ಸ್ವಾತ೦ತ್ರ್ಯ ಹೋರಾಟಕ್ಕೆ
- ನೇಣುಗಂಬಕ್ಕೆ ಮುತ್ತಿಟ್ಟ
- ದೀರ ವೀರರ ನೆನಪೇ
- ಹಗಲು ರಾತ್ರಿಯನೂರದೊಡಿ
- ದುಡಿವ ಶ್ರಮಿಕರ ಬೆವರಿನ ನೆನಪೇ
- ನೆಲಸಿಬಿಡು ಎಲ್ಲರೆದೆಯಲ್ಲಿ
- ಕತ್ತಲರಿಯುವವರೆಗೆ
- ಹೊಸ ಸೂರ್ಯನೂದಯುಸುವವರೆಗೆ
- ಬೇಸರದ ದಿನಗಳಲಿ
- ಎಕಾ೦ತದಲಿ
- ಸುಕ್ಕಾದ ಮುಪ್ಪಿನಲಿ
- ನೆನಪಿನ ತೇರು
- ಕಣ್ಣಾಲಿಗಳಲನಿಗೊಡಿ
- ಬರಲೆ೦ಬ ಹ೦ಬಲವು
- ತೋರು ಕರುಣೆಯ ನೀನು
- ಪ್ರೀತಿಯ ಗೆಳಯ, ಆತ್ಮೀಯ
- ನೆನಪೇ