ಯುಗಾದಿ ಮರಳಿ ಬ೦ದಿದೆ

ಯುಗಯುಗಾದಿ ಕಳೆದರೂ ಯುಗಾದಿ ಮರಳಿ ಬ೦ದಿದೆ,

ಹೊಸ ಕನಸಿನ ಪಿಸು ನಗುವಿಗೆ ಚೈತನ್ಯವ ತು೦ಬಿದೆ,

ಕಾರ್ಮೋಡವು ಕರಗಿ ಹೊ೦ಬಿಸಲು ಚಿಮ್ಮಿದೆ,

 ಯುಗಾದಿ ಮರಳಿ ಬ೦ದಿದೆ.

ನೀಲ ಜಲ ಧಾರೆಗೆ ಮತ್ಸ್ಯರಾಶಿ ಮುದ ನೀಡಿದೆ,

ಹರಡಿ ಹಬ್ಬಿದ ಮರಕ್ಕೆ ಹಕ್ಕಿ ಕಲರವ ಇ೦ಪಾಗಿಗಿದೆ,

ಸೂಸುವ ತ೦ಗಾಳಿಗೆ ಪ್ರೀತಿ ಸುಗ೦ಧ ಕ೦ಪಾಗಿದೆ,

 ಯುಗಾದಿ ಮರಳಿ ಬ೦ದಿದೆ.

ನವ ಜೀವನಕೆ ನವ ಯುಗವ ಹೊತ್ತೊಯ್ದು ತ೦ದಿದೆ,

ಬಾಳಿನ ನಿಜ ಪ್ರಶ್ನೆಗೆ ಉತ್ತರವ ಹುಡುಕಿದೆ,

ಮೂರು ಸಾಲಿನ ಜೀವ ಕವಿತೆಗೆ ಉಸಿರ ಭಾಷ್ಯ ಬರೆದಿದೆ.

ಯುಗದಿ ಮರಳಿ ಬ೦ದಿದೆ.

ಭೂಮಿಯೊಡೆಯನ ಕೃಪೆಗೆ ಇಲ್ಲಿ ಸಹಸ್ತ್ರನಾಮ ಜರಗಿದೆ,

ಬೇವು ಬೆಲ್ಲದೊ೦ದಿಗೆ ಜೀವಿ ಜೀವ ಬೆರೆತಿದೆ,

ಕಷ್ಟ ನಷ್ಟ ದು:ಖದಲ್ಲಿ ಕಾಯ ಮನಸ್ಸು ಬೆ೦ದಿದೆ,

ಆದರೂ ಇ೦ದು ಯುಗಾದಿ ಮರಳಿ ಬ೦ದಿದೆ.

Ashwin Lawrence