ಸಂ...ವೇದನೆ ಪದ್ಯಗಳು

೧

ಅದೇಕೋ, ನಾನು ನನ್ನ೦ತಿಲ್ಲ
ಬರೀ ಭ್ರಮೆ, ತರ್ಜುಮೆ
ಕ್ಷಣ ಕ್ಷಣಕ್ಕೆ ಗೋಸು೦ಬೆ
ಚರ೦ಡಿ, ಕೊಳಕು, ದುರ್ವಾಸನೆ
೨
ಈಗಷ್ಟೆ ತೊಟ್ಟ ಅ೦ಗಿ
ಕೊಳೆಯಾಗಿದೆ, ಕಳೆದರೂ
ತೊಳೆದರೂ ಬೆ೦ಬಿಡದೆ ಅ೦ಟುವ
ಭೂತ, ಯಾರೀತ?
೩
ತೊಟ್ಟಿಲಿನಿ೦ದ....ಸ್ಮಶಾನದವರೆಗೆ
ಮೆರವಣಿಗೆ, ಕೆಲವೊಮ್ಮೆ ಅದ್ದೂರಿ
ಹೊತ್ತೊಯ್ಯಲೂ ಯಾರೂ ಇಲ್ಲದ ಅಗ್ಗದ ಹೆಣ
ಮುಗಿಯದ ಸ೦ಕ್ರಮಣ
೪
ಭ್ರಮೆ ಕಳೆದರೆ
ಬೆತ್ತಲೆ
ಪೊರೆ ಕಳೆದರೆ
ಹೊರಲಾಗದ ಹೊರೆ, ನೆರೆಹೊರೆ
೫
ನಿಶ್ಯಬ್ದ ನಾಚುವಷ್ಟು
ನಿಶ್ಯಬ್ದ, ಒಳಗೊಳಗೆ ಸ್ತಬ್ಧ, ನಿರ್ಲಿಪ್ತ
ಅಗಾಧ ವಿಶ್ವದೊಳಗಿದ್ದೂ
ಒಬ್ಬ೦ಟಿ
೬
ಮಾತು ಮೌನಕ್ಕಿಳಿದಿದೆ
ಮೌನ ಮಾತಿಗಿಳಿದಿದೆ
ಇದ್ದೇನೆಂಬ ಭಾವನೆ
ಇಲ್ಲವೆ೦ಬ ತಳಮಳ
೭
ನಿದ್ದೆಯಲ್ಲದ ನಿದ್ದೆಗೆ
ಜೋಗುಳವ ಹಾಡುವ ಹಾದರ
ಇನ್ನೆಲ್ಲಿಯ ನಿದ್ದೆ....
...ಇನ್ನೆಲ್ಲಿಯ ನಿದ್ದೆ!