ಹೆಣ್ಣೆಂದರೆ-------

ಸಹನೆ---

ಮುಟ್ಟಿನ ಮುಜುಗರವ

ಋತುಪ್ಯಾಡಿನೊಳಗೆ ಹುದುಗಿಸಿಟ್ಟು,

ಕಿಬ್ಬೊಟ್ಟೆ ಸೆಳೆತ, ಹೊಟ್ಟೆನೋವು,

ತೊಡೆಸಿಡಿತಗಳ

ಗಂಡ ಮಕ್ಕಳ ಊಟದ ಡಬ್ಬಿಗೂ

ಅಷ್ಟಿಷ್ಟು ಹಂಚಿಬಿಟ್ಟು

ಹೊಸಿಲು ದಾಟಿದವಳ  ಮುಖದ ಮೇಲೆ

ಒಂದು ಕೇರ್ ಫ್ರೀ ಹೂ ನಗೆ!

ಅಸೂಯೆ---

ತಮ್ಮದೇ ಕರುಳಕುಡಿಯ

ಅತಿಮುದ್ದುಗೈವ

ಗಂಡನ ಮೇಲೆ ಬಲು ಸಿಟ್ಟು-

ಇವಳಪ್ಪ

ಇವಳ ಮುದ್ದಿಸಿರಲಿಲ್ಲ ಇಷ್ಟೂ!

ಕ್ಷಮೆ---

ನೂರು ತಪ್ಪಿಗೂ

ಮುರುಯುವುದಿಲ್ಲ ನಂಟು

ಒಂದು, ಎರಡು, ಮೂರು--

ಎಂದು ಹಾಕುವುದಿಲ್ಲ

ಲೆಕ್ಕದ ಗಂಟು.