ಮೇರಿ ಲಯನ್ (Mary Lyon) ಮತ್ತು ಎಕ್ಸ್ ವರ್ಣತಂತುವಿನ ಯಾದೃಚ್ಛಿಕ ನಿಷ್ಕ್ರಿಯತೆ

೧೯೨೫ರಲ್ಲಿ ಹುಟ್ಟಿದ ಮೇರಿ ಲಯನ್ ಬ್ರಿಟಿಶ್ ವಿಜ್ಞಾನಿ. ಕಾಂಬ್ರಿಜ್ಜಿನಲ್ಲಿ ಅವರು ಪದವಿ ಪೂರೈಸಿದಾಗ ಮಹಿಳೆಯರಿಗೆ ಪದವಿ ನೀಡುವ ಪದ್ಧತಿಯಿರಲಿಲ್ಲ. ಮುಂದೆ ಅವರು ಕಾಂಬ್ರಿಜ್ಜಿನಲ್ಲಿಯೇ ಆರ್ ಎ ಫಿಷರ್ ಅವರ ಮಾರ್ಗದರ್ಶನದಲ್ಲಿ ಡಾಕ್ಟೊರೇಟ್ ಅನ್ನು ಪಡೆದರು.
ಈಗ್ಗೆ ಐವತ್ತು ವರ್ಷಗಳ ಹಿಂದೆ ೧೯೬೧ರಲ್ಲಿ ಹೆಸರಾಂತ 'ನೇಚರ್' ಪತ್ರಿಕೆಯಲ್ಲಿ ಮೇರಿ ಲಯನ್ ಅವರು 'ಎಕ್ಸ್ ವರ್ಣತಂತುವಿನ ಯಾದೃಚ್ಛಿಕ ನಿಷ್ಕ್ರಿಯತೆ' ಸಿದ್ಧಾಂತವನ್ನು ಪ್ರಕಟಿಸಿದರು. ಈ ಸಿದ್ಧಾಂತವು ಅನುವಂಶೀಯ ಕ್ಷೇತ್ರದಲ್ಲಿ ಬಹಳ ಮಹತ್ವದ್ದಾಗಿದ್ದು, ಇದಕ್ಕೆ ವೈದ್ಯಕೀಯ ಕ್ಷೇತ್ರದಲ್ಲಿ ಸಹ ಮನ್ನಣೆಯಿದೆ. ಚಿಕ್ಕದಾಗಿ ಹೇಳುವುದಾದರೆ, ಈ ಸಿದ್ಧಾಂತದ ಪ್ರಕಾರ ಎರಡು ಎಕ್ಸ್ ವರ್ಣತಂತುಗಳಿರುವ ಜೀವಕೋಶಗಳಲ್ಲಿ ಒಂದು ಎಕ್ಸ್ ವರ್ಣತಂತು ಮಾತ್ರ ಕಾರ್ಯಶೀಲವಾಗಿರುತ್ತದೆ. ಇದನ್ನು 'ಲಯನೈಸೇಶನ್' ಎಂದೇ ಕರೆಯಲಾಗುತ್ತದೆ.

ಈ ಕುರಿತು ಇನ್ನಷ್ಟು ಬರೆಯವ ಮನಸ್ಸಿದೆ. ಪ್ರತಿಕ್ರಿಯೆಗಳನ್ನು ಆಧರಿಸಿ. :-) ಈ ಹಿಂದೆ ಸಹ ಕೆಲವು ಲೇಖನಗಳನ್ನು ಹೀಗೆ ಆರಂಭಿಸಿ, ಮುಂದುವರೆಸಲು ಸಾಧ್ಯವಾಗಿಲ್ಲ; ಈ ಸಲ ಏನಾಗುತ್ತೆ ನೋಡೋಣ!