ಅಪ್ಪನ ಹೆಸರು ಆಗಿಬರುವುದಿಲ್ಲವೇ?

ನೆನ್ನೆ ಸಂಜೆ ಹೀಗೆ ಗೆಳೆಯರು ಹರಟೆ ಹೊಡೆಯುತ್ತಿದ್ದಾಗ ಮತ್ತೊಬ್ಬ ಗೆಳೆಯ ಕೈಯಲ್ಲಿ ಒಂದು ದಿನಪತ್ರಿಕೆಯ ಚೂರನ್ನು ಹಿಡಿದುಕೊಂಡು ಬಂದು ದಿವಿನಾಗಿ ಎಲ್ಲರನ್ನೂ ಉದ್ದೇಶಿಸಿ ನನ್ನ ಹೆಸರು ದಿನಪತ್ರಿಕೆಯಲ್ಲಿ ಬಂದಿದೆ ಎಂದ.  ನಾವೆಲ್ಲಾ ಅವನನ್ನು ಒಂದೊಂದು ರೀತಿ ಛೇಡಿಸಲು ಶುರುವಿಟ್ಟುಕೊಂಡೆವು. ಏನು ಘನಂದಾರಿ ಕೆಲಸ ಮಾಡಿದೆಯಪ್ಪ ಪತ್ರಿಕೆಯಲ್ಲಿ ಬರುವಂಥದ್ದು.  ಯಾವುದಾದರೂ ದರೋಡೆ ಮಾಡಿದೆಯ, ಏನಾದರೂ ಕೊಲೆ ಮಾಡಿದೆಯ, ಅಥವಾ ನಿತ್ಯಾನಂದನ ಹಾಗೆ ಏನಾದರೂ ಕೆಲಸ ಮಾಡಿದೆಯ ಎಂದು ಒಬ್ಬೊಬ್ಬರು ಒಂದೊಂದು ರೀತಿ ರೇಗಿಸಲು ಶುರು ಮಾಡಿದೆವು.