ಹೀಗ್ಯಾಕೆ ನೀನು ಮುಗುಳ್ನಗುತಲಿರುವೆ?

ಹೀಗ್ಯಾಕೆ ನೀನು ಮುಗುಳ್ನಗುತಲಿರುವೆ
ಅದ್ಯಾವ ನೋವ ಮರೆಮಾಚುತಿರುವೆ
 
ಮಂಜಾದ ಕಣ್ಣು ತುಟಿಯಲ್ಲಿ ನಗುವು
ಏನಿಹುದು ಏನ ನೀ ತೋರುತ್ತಿರುವೆ 
ಅದ್ಯಾವ ನೋವ ಮರೆಮಾಚುತಿರುವೆ
ಹೀಗ್ಯಾಕೆ ನೀನು ಮುಗುಳ್ನಗುತಲಿರುವೆ

ವಿಷವಾಗಿ ನಿನ್ನನ್ನೇ ಮುಗಿಸಬಹುದು
ಕಣ್ಣೀರ ನೀನು ಏಕೆ ಕುಡಿಯುತ್ತಿರುವೆ
ಕಾಲವೇ ಮಾಗಿಸಿಹ  ಘಾಯಗಳನೆಲ್ಲಾ
ಇಂದ್ಯಾಕೆ  ನೀನು ಹಸಿಗೊಳಿಸುತಿರುವೆ
ಅದ್ಯಾವ ನೋವ ಮರೆಮಾಚುತಿರುವೆ
ಹೀಗ್ಯಾಕೆ ನೀನು ಮುಗುಳ್ನಗುತಲಿರುವೆ