ಅ ಕಪ್ ಓಫ್ ಕಾಫಿ ... ಸಿಪ್ - ೪

"ಹುಂ ಮತ್ತೆ...'life is short make it sweet' ಆಲ್ವಾ ??"

"ಹೌದು"

"ನಿಂಗೆ ಯಾವುದಿಷ್ಟ..??"

"ಇಲ್ಲ, ಇನ್ನೂ ವರೆಗೂ ಕುಡ್ದಿಲ್ಲಾ...?"

"ನಿಜವಾಗ್ಲೂ ...?? ನಂಬೊಕಾಗಲ್ಲಾ ..? ಕುಡ್ಡಿಲ್ಲಾ ಅದು ಹಾಸ್ಟೆಲ್ ನಲ್ಲಿ ಇದ್ದುಕೊಂಡು"

"ಹುಂ , ನಂಗೆ ಯಾವತ್ತು ಕುಡಿಬೇಕು ಅಂತ ಅನ್ಸಿಯೇ ಇಲ್ಲಾ"

"ಒಂದು ಸಲ ಲವ್ ಮಾಡು, ಹುಡುಗಿ ಕೈ ಕೊಡಲಿ, ಆಟೋಮೆಟಿಕ್ ಆಗಿ ನೀನು ದೇವದಾಸ ಆಗ್ತೀಯ..!!!"



ಈಗ ಲೈಟ್ ಆಗಿ ದೇವದಾಸ ಅಗ್ತಾ ಇದ್ದೇನೆ ಅಂತ ಹೇಳೋಣ ಅನ್ಕ್ಕೊಂಡೆ ಮತ್ತೆ ಬೇಡ ಎಂದು ಸುಮ್ಮನಾದೆ.

"ನೀನು ಹೇಳುದು ಒಳ್ಳೇದಿದೆ, ಕುಡುಕ ಆಗಲು ಪ್ರೀತಿ ವೈಫಲ್ಯವೇ ಕಾರಣ ಅಂತೀಯಾ...?? ನಿಂದೂ ಅದೇ ಕಾರಣನಾ ??"

"ಅಲ್ಲ ಹಾಗಲ್ಲ, ಕುಡಿತಕ್ಕೆ ಒಂದು ರೀಸನ್ ಬೇಕಲ್ಲ, ಒಬ್ಬ ಪಾಪದ ಹುಡುಗಿಯ ತಲೆ ಮೇಲೆ ನೀವು ಆ ಕಾರಣ ಹೊರೆಸಿ ಕುಡಿಯಲು ಶುರು ಮಾಡ್ತೀರಿ...!!"

"ಇಲ್ಲಾ, ಅದರ ಅನುಭವವೂ ಆಗಿದೆ ಅದ್ರೂ ಕುಡಿತ ಬೇಡ ಹೇಳಿ ಕುಡಿಲಿಲ್ಲ"



"ಅಂದ್ರೆ ನೀನು ಹೇಳುವುದು ನೀನು ಲವ್ ಫೈಲೂರ್ ಪಾರ್ಟಿ.. !!!"

"ಒಂದು ತಾರಾ ಹಾಗೆಯೇ.."

"ವೈಭೂ ಪ್ಲೀಸ್ ಹೇಳೂ ನಿನ್ ಲವ್ ಸ್ಟೋರಿ.."

"ಅದೆಲ್ಲಾ ಈಗ ಬೇಕಾ..."

"ಹೇಳೂ ಪ್ಲೀಸ್, ಏನಾಯ್ತು ನಿಮ್ ಲವ್ ಸ್ಟೋರಿಗೆ ??"

"ಏನಾಗ್ತಿದೆ ಅಂತಾ ಗೊತ್ತಿಲ್ಲ, ಟು ಸೈಡೆಡ್ ಅನ್ಕೊಂಡಿದ್ದೆ, ಆದ್ರೆ..."

"ಏನು ಆದ್ರೆ ..??"

"ಏನಿಲ್ಲಾ , ಬಿಡು..."



"ನೀನು ಹೇಳ್ ಲೇ ಬೇಕು .."

"ಏನಿಲ್ಲಾ ಅವಳ ಮನಸಲ್ಲಿ ಬೇರೆ ಯಾರೋ ಇದ್ದಾರೆ ಅಂತ ಗೊತಾಯ್ತು ಅದಕ್ಕೆ ಅವಳನ್ನು ಮರೀಲಿಕ್ಕೆ ಪ್ರಯತ್ನ ಪಡ್ತಾ ಇದ್ದೀನಿ."

"ಯಾರೂ ಅವಳು..?? ನಂಗ್ ಗೊತ್ತಾ ..?? ನಾನ್ ಅವಳಿಗೆ ಹೇಳ್ತೀನೆ ನನ್ನ ವೈಭು ಭಂಗಾರದಂತಹ ಹುಡುಗ ಅಂತ"



ಅವಳ 'ನನ್ನ ವೈಭು' ನನ್ನಲ್ಲಿ ಹೊಸ ಅಲೆಯನ್ನೇ ಉಂಟುಮಾಡಿತು. ಒಳಗಿನ ವಿರಹದ ಜ್ವಾಲಾಮುಖಿ ಎದುರಲ್ಲಿ ಆ ಅಲೆ ಲೀನವಾಯಿತು.

 

"ಹುಂ ಬೇಕಾಗಿಲ್ಲ, ಅವಳು ನನ್ನ ಅರ್ಥ ಮಾಡ್ಕೊಂಡಿಲ್ಲ"

"ಹೇಳೂ , ಯಾರವಳು??ನಮ್ಮ ಕಾಲೇಜಾ??"

"ನಿಂಗೆ ಗೊತ್ತಿಲ್ಲ ಅವಳು ಯಾರಂತ.. ನಮ್ ಊರವಳು ಕಳೆದ ೬ ವರ್ಷದಿಂದ ಅವಳನ್ನು ಮನಸಲ್ಲೇ ಇಟ್ಟು ಪೂಜಿಸುತಿದ್ದೆ"



"ಪೂಜಿಸುತಿದ್ದೆ..? ಅಂದ್ರೆ ಈಗ ಅವಳಿಲ್ವಾ...??"

"ಇಲ್ಲಾ ... ಅವಳು ಬೇಡ... ಬೇರೆಯವರಿಗೆ ಆ ಸ್ಥಾನ ಕೊಡುವ ಅಂತ ಈಗ ಯಾರಿಗೂ ನೈವೇದ್ಯ ಕೊಡ್ತಾ ಇಲ್ಲ"

"ಹೋಗ್ಲಿ ಬಿಡು ನಿಂಗೆ ಒಳ್ಳೆ ದೇವತೇನೆ ಸಿಗ್ತಾಳೆ"

"ಹುಂ, ನೋಡೋಣಾ ಯಾರು ಬಂದು ಈ ದೇವಸ್ತಾನ ಆಳ್ತಾರೆ ಅಂತ"



"ಹೋಗ್ಲಿ ಬಿಡು, ಆ ಮೂಲ ದೇವತೆಯ ಹೆಸರಾದರು ಹೇಳು"

"ಕೃಪಾ, ನನ್ನ ಮೊದಲ ಲವ್ !!!"

"ಕ್ರುಪಾದೆವಿಯ ಕೃಪೆಯಿಂದ ನಿನಗೆ ಒಳ್ಳೆ ದೇವತೇನೆ ಸಿಗುತ್ತಾಳೆ"

"ನೋಡೋಣಾ..."



ಕೃಪಾಳ ನೆನಪಿನ ಕಸದಲ್ಲಿ ಸುಳಿದಾಡುತ್ತಿರುವ ನನ್ನ ಮನಸನ್ನು ಈಗ ಎದುರು ಕೂತಿರುವ ಪ್ರೀತಿ ಗುಡಿಸುತಿದ್ದಳು. ನನ್ನ ನಿವೇದನೆ ಇವಳಲ್ಲಿ ಮಾಡಲೇ ಎನ್ನುವಷ್ಟರಲ್ಲಿ ಅವಳು "ಲವರ್ ಬಾಯ್, ಮತ್ತೆ ಯಾವಾಗ ಇನ್ನೊಮ್ಮೆ ಲವ್ ಮಾಡುವ ಪ್ಲಾನ್ಸ್ ???"

"ಅದೆಲ್ಲಾ ಬಿಡು, ಈಗ ನೀನು ನಿನ್ನ ಲವ್ ಸ್ಟೋರಿ ಹೇಳು"

"ಸಾರೀ ಗುರು, ಹೇಳ್ತೇನೆ ಇಗಲ್ಲಾ ನಿನ್ನ ಪಾರ್ಟಿ ದಿನ"

"ಈಗಲೇ ಹೇಳಬಹುದು ಅಲ್ಲಾ .."

"ಬೇಗ ಮನೆಗೆ ಹೋಗ್ಬೇಕು, ಪಾರ್ಲರ್ ಗೆ ಅಮ್ಮನ ಜೊತೆಗೆ ಹೋಗೋದಿದೆ, ೮ ಗಂಟೆಗೆ ಹೋಟೆಲ್ ಸೇರಬೇಕು, ಸಾರೀ ಕಣೋ .."



"ಓಕೆ ಪರವಾಗಿಲ್ಲ, ನಿಂಗೆ ಹೇಳ್ಬೇಕು ಅನ್ಸಿದ್ದಾಗ ಹೇಳು, ಯಾವಾಗ ಫ್ರೀ ಇದ್ದಿ ಹೇಳು ಆಗ ನನ್ ಪಾರ್ಟಿ ಕೊಡ್ತೇನೆ"

"ನಾಳೆ ಆಗಬಹುದಾ..??"

"sure !!! ಎಲ್ಲಿ ??"

"ಮತ್ತೆಲ್ಲಿ ಇಲ್ಲೇ, ಇದೇ ಟೇಬಲ್ ನಲ್ಲಿ ಸೇಮ್ ಟೈಮ್ ನಲ್ಲಿ ಆಗಬಹುದಾ..."

"ಆಗಬಹುದು"



ಕೈಯಲ್ಲಿದ್ದ ಎರಡೂ ಕಪ್ ಖಾಲಿಯಾಗಿತ್ತು. ಟ್ರೇನಲ್ಲಿ ಕೂಕೀಸ್ ನ ಹುಡಿ ಚದುರಿತ್ತು.