ಕೋರಿಕೆ

ಭರವಸೆಯಿಲ್ಲದ ಬೆಳಕುಗಳಲಿ
ಇಷ್ಟು ದೂರ ನಡೆದ ನಾವು
ಇನಿತು ನಡೆಯಲಾರೆವೇ?
ನಿನ್ನ ಕೈಹಿಡಿದು ನಾನು
ನನ್ನ ಕೈ ಹಿಡಿದು ನೀನು, ಒಂದರೆಗಳಿಗೆ.
ಒಬ್ಬರಿಗೊಬ್ಬರು ಹುಟ್ಟಿದವರೆಂದು
ಇರುವಾಗ ಭರವಸೆ
ಏಕೆ ಹೇಳು ಈ ಹೆದರಿಕೆ
ಅದೇಕೆ ಕಳೆದುಕೊಳ್ಳುವ ಭಯ?
ಮುಚ್ಚಿರುವ ದಾರಿಗಳೂ ನಡೆದರೆ ತೆರೆಯುತ್ತವೆ
ಬಿಟ್ಟು ಬಿಟ್ಟರೆ ಉಳಿಯುವವೂ ಅಳಿಯುತ್ತವೆ
ಒಂದಾಗಿರಿಸಿರುವ ಪ್ರೀತಿ ಕಾಯ್ವುದು ನೋಡು, ಕಾಂತೆ
ಹೆಜ್ಜೆಯೊಡನೆ ಹೆಜ್ಜೆ ಹಾಕು, ಬಿಡು ಎಲ್ಲಾ ಚಿಂತೆ