ಯಾವುದೀ ಕಟ್ಟಡ, ಕಾರ್ಪೊರೇಟ್ ನಿಲಯವೋ, ಅಥವಾ ಮಾಲೋ, ಇಲ್ಲವೇ ಥಿಯೇಟರ್(ಓ) ತಿಳಿವಲ್ದಲ್ಲಾ ?!

ನಾನು ೧೦ ದಿನಗಳ ಹಿಂದೆ 'ಬನಶಂಕರಿ ಬಸ್ ನಿಲ್ದಾಣ'ದಲ್ಲಿ ಯಾವುದೋ ಬಸ್ ನಲ್ಲಿ ಪ್ರಯಾಣಿಸಲು ಹೋಗಿದ್ದೆ. ಈಗ ಎನ್ಚನ್ನಾಗಿದೆ ಆ ಜಾಗ ಅಂತೀರ, ಪಕ್ಕದಲ್ಲೇ 'ಬನಶಂಕರಿ ಅಮ್ಮನವರ ಸುಂದರ, ಭವ್ಯ ಹೊಸ ಮಂದಿರ' ತಯಾರಾಗಿದೆ. ಆ ಜಾಗವೆಲ್ಲ ಎನೋ ಒಂದ್ ತರಹ ಹೊಸ ಹೊಸದಾಗಿ ಕಾಣ್ಸ್ತಿದೆ.  ಹತ್ತಿರದಲ್ಲೇ ಇನ್ನೂ ಗುಡಿಸಿಲುಗಳು ಹಣ್ಣು-ಹೂ ಮಾರೋರು, ಜನರ ಗುಂಪು ಮಾತ್ರ ಹಾಗೆ ಇದೆ. ಇಲ್ಲ ಇನ್ನೂ ಹೆಚ್ಚ್ತಿದೆ.

ಈ ಹೊಸ ಕಟ್ಟಡದ ಮುಂದೆ ಯಾವ್ ಬೋರ್ಡೂ ಇಲ್ಲ. 'ಸಾರಿಗೆ ಪರಿವಹನದ ಕಟ್ಟಡ' ಅನ್ನಕ್ಕೂ ಆಗಲ್ಲ. ನಮ್ಮ ಜನ ಅಷ್ಟು ಒಳ್ಳೆ ಕಟ್ಟಡನ    'ಸಾರಿಗೆ ಪರಿವಹನಕ್ಕೆ   ಕಟ್ತಾರ ?  ಚಾನ್ಸೇ ಇಲ್ಲ. 'ಮಾಲ್' ಅಂದ್ರೆ ತೀರ ಕಿಷ್ಕಿಂಧದ ಜಾಗ. ಅಲ್ಲಿ ಓಡಾಡೋ ಜನ ಮಾಲ್ಘೋಗಿ ಏನಾದೃ ಕೊಳ್ತಾರೆ ಅಂತೀರಾ ! ಏನೊ ಗೊತ್ತಾಗಲ್ಲಪ್ಪ. 'ನಮ್ಮ್ ಬೆಂಗ್ಳೂರ್ ಜನ ಈಗ 'ಅದು ಇದು, ಹಾಳು-ಮೂಳುಗಳನ್ನು ಕೊಳ್ಳೋದ್ರಲ್ಲಿ ನಿಸ್ಸೀಮರು' ಅಂತ ಪತ್ರಿಕೆಗಳು  ವರದಿ ಮಾಡಿದ್ದೇ ಮಾಡಿದ್ದು. ಅಂದ್ಮೇಲೆ ಇನ್ನೇನಿರಬಹುದು. ನಾನ್ ಈಗಾಗ್ಲೆ ಮುಂಬೈಗೆ ಬಂದಾಯ್ತು. ಯಾರಾದೃ ಅಲ್ಲಿಗೆ ಹೋದ್ರೆ ನೋಡಿದ್ರೆ, ಓದಿದ್ರೆ, ಏನಾದೃ ಬರೀಲೇ ಬೇಕಲ್ವಾ. ಎಷ್ಟ್ ದಿನ ಅಂತ ಹಾಗೆ ಇಟ್ಕೊಂಡಿರ್ತಾರೆ ಆ ಬಿಲ್ಡಿಂಗ್ ನ ?

ಇಲ್ ಬಂದ್ರೂ ಸಮಾಧಾನ ಇಲ್ಲ. ಹಾಳು ನಮ್ಮುರಲ್ವ; ತಿಳ್ಕೊಳ್ಳೋ ಕೂತುಹಲ !