ಮಣಿಪುರದ ಜನತೆಯ ಮಾರಣ ಹೋಮ‍‍ ; ಚಾನು ಶರ್ಮಿಳರ, ಹೋರಾಟ !

ಪುಣೆಯ ಮಾನವ ಅಧಿಕಾರದ ಒಬ್ಬ ಪ್ರತಿನಿಧಿ,ಸಂಘಟನೆಯ 'ಓಜಸ್ ಸುನೀತಿ ವಿನಯ್' ಕೊಡುವ  ವಿವರಣೆಗಳು ಪ್ರತಿಪಾದಿಸುವ ವಿಷಯಗಳು ಎಂಥ ಕಲ್ಲು ಹೃದಯಗಳನ್ನೂ ಕರಗಿಸುವಂತಹದು. 'ಚಾನು ಶರ್ಮಿಳ ರ ಕಥೆ', ಮಣಿಪುರದ ಒಂದು ದುರದೃಷ್ಟಕರವಾದ  ಕಥೆಗಳಲ್ಲೊಂದು. ಶರ್ಮಿಳರವರು  ಹತ್ತು ವರ್ಷಗಳ ಕಾಲ ಅನ್ನನೀರು ತೊರೆದು ತನ್ನ ರಾಜ್ಯದ ಅಭಾಗನಿಯರ ಬಗ್ಗೆ ದೇಶಕ್ಕೆ, ವಿಶ್ವಕ್ಕೆ ಕೈಯೆತ್ತಿ ಮುಗಿದು ಯಾಚಿಸುತ್ತಿರುವ ಮಹಿಳೆ. ಯಾವ ಹೆಣ್ಣೂ ಇದುವರೆಗೆ ಮಾಡದಷ್ಟು, ದೀರ್ಘಕಾಲಾವಧಿಯ ಸತ್ಯಾಗ್ರಹ ದಿನಾಂಕ ೨ ನವೆಂಬರ್ ೨೦೦೦ ದಂದು ಮಣಿಪುರದ ಇಂಫಾಲ್ ಕಣಿವೆಯಲ್ಲಿ ಆದ ನರಹತ್ಯೆಯನ್ನು ಕಣ್ಣಾರೆ ಕಂಡಬಳಿಕ ತಳೆದ ಧೋರಣೆಗಳಲ್ಲೊಂದಾಗಿದೆ. ಅದೂ ನಮ್ಮ ದೇಶವನ್ನು ರಕ್ಷಿಸುವ ವೀರಯೋಧರೆಂದು ಹಾಡಿ ಹಾಡಿ ಹರಸಿ, ಪೂಜಿಸಲ್ಪಡುವ ನಮ್ಮವರೇ ಆದ ಯೋಧರಿಂದ ಬಸ್ ನಿಲ್ದಾಣದಲ್ಲಿ ಬಸ್ಸಿಗಾಗಿ ಕಾಯುತ್ತಿದ್ದ ಹೆಂಗಸರು, ಮಕ್ಕಳುಗಳಮೇಲೆ 'ಅಸ್ಸಾಮ್ ರೈಫಲ್ಸ್ ಸೇನಾ ಯೋಧ'ರು ಹುಚ್ಚಾಪಟ್ಟೆ ಗುಂಡಿನ ಮಳೆಗರೆದು ಕೊಂದದ್ದು ಏಕೆ ?

ಆ ದಿನ ಬೆಳಿಗ್ಯೆ ಸೇನೆಯ ಮೇಲೆ ಯಾರೋ ಒಂದು ಬಾಂಬ್ ಎಸೆದಿದ್ದರು. ದೆಂಗೆಕೋರರನ್ನು ಬಗ್ಗುಬಡೆಯಲು ಹೊರಟ ಸೇನೆ, ಬಸ್ ನಿಲ್ದಾಣದಲ್ಲಿ ಕಾಯುತ್ತಿದ್ದ ಅಮಾಯಕರ ಮೇಲೆ ಮಾಡಿದ ಈ ತರಹದ ಪ್ರಹಾರಕ್ಕೆ ಏನಾದರೂ ಅರ್ಥವಿದೆಯೇ  ೫೨ ವರ್ಷದ ಮಹಿಳೆಯಲ್ಲದೆ ಒಬ್ಬ ಗರ್ಭಿಣಿ ಹೆಂಗಸೂ ಈ ದೌರ್ಜನ್ಯಕೆ ತುತ್ತಾಗಿದ್ದರು. ೧೮ ವರ್ಷದ ಬಾಲಕನೊಬ್ಬ ಆ ಜಾಗದಲ್ಲೇ ಕೆಳಗೆ ಬಿದ್ದು ರಕ್ತಕಾರಿ ಮರಣಿಸಿದ್ದ. ಬಾಲಕ ನೆತ್ತರಿನಿಂದ ತೊಯ್ದ ಭೂಮಿಯನ್ನು ಕಂಡು ಬೆಚ್ಚಿಬಿದ್ದ ಸೂಕ್ಷ್ಮ ಮನಸ್ಸಿನ  ಶರ್ಮಿಳ ಮೂಕ ಸಾಕ್ಷಿಯಾಗಿ ನಿಲ್ಲಲು ಇಚ್ಛಿಸಲಿಲ್ಲ ? ತನ್ನ ಜನರ ಮಾನವಹಕ್ಕುಗಳಿಗಾಗಿ ಹೋರಾಡದ್ದಿದ್ದರೆ ಬದುಕಿದ್ದೂ ವ್ಯರ್ಥವಲ್ಲವೆ !

ಅದಕ್ಕಾಗಿ ಉಪವಾಸಮಾಡಿ ಪ್ರತಿಭಟಿಸುವ  ನಿರ್ಧಾರ ತೆಗೆದುಕೊಂಡರು. ಈ ಅರ್ಥಹೀನ   ಕಾಯಿದೆಯನ್ನು ಸರಕಾರ ಹಿಂತೆಗೆಯುವ ತನಕ. ಆಮರಣಾಂತವಾದರೂ ಸರಿಯೆ. ೨೦೦೦ ನವೆಂಬರ್, ೪ ರಂದು ತಾಯಿಯ ಆಶೀರ್ವಾದದೊಂದಿಗೆ  ಹಾಗೆ ಶುರುವಾದ ಉಪವಾಸ ಜಗತ್ತಿನ ಇತಿಹಾಸಲ್ಲಿ ಒಂದು ಹೊಸ ಅಧ್ಯಾಯಕ್ಕೆ ಎಡೆಮಾಡಿಕೊಟ್ಟಿದೆ. (AFSPA – Aarmy Force Special Powers Act)  ಕಾಯಿದೆಯನ್ನು ವಜಾಗೊಳಿಸುವ ವರೆಗೆ ಈ ಸಂಘರ್ಷ. ಹೆಣ್ಣೊಬ್ಬಳು ಎಷ್ಟು ಕಾಲತಾನೆ ಹೋರಡಿಯಾಳು, ಅದೂ ಭಾರತೀಯ ಫೌಜ್ ಎದುರಿಗೆ ? ಇಂತಹ ಮಾತಾಡಿ ಧರ್ಯಗೆಡಿಸುವ ಸನ್ನಹಕ್ಕೆ ಆಕೆ ಮಣಿಯಲಿಲ್ಲ. ವಿಚಳಿತಳಾಗಲ್ಲಿಲ್ಲ.