ದ್ವಾದಶ ಜ್ಯೋತಿರ್ಲಿಂಗಗಳು & ಪಂಚಮಹಾಭೂತಾತ್ಮಕ ಲಿಂಗಗಳು

ಹಿಮಾಲಯದಿಂದ ಕನ್ಯಾಕುಮಾರಿ ಭೂಶಿರದವರೆಗೂ ಅಸಂಖ್ಯಾತ ಶಿವಸ್ಥಾನಗಳು ಭಕ್ತರ ಇಷ್ಟಾರ್ಥಗಳನ್ನು ಇಡೇರಿಸುವಲ್ಲಿ ಕಾರ್ಯತತ್ಪರವಾಗಿವೆಯೇನೋ ಎಂಬಂತೆ ನೆಲೆನಿಂತಿವೆ. ಭಕ್ತಿ ಭಾವದಿಂದ ಭಕ್ತರು ಎಲ್ಲೆಲ್ಲಿ ಕರೆದರೋ ಅಲ್ಲಲ್ಲಿ ಭಕ್ತರ ಬಂಧುವಾದ ಶಿವ ಆವಿರ್ಭೂತನಾಗಿ ಮೂರ್ತರೂಪದಲ್ಲಿ ಶಾಶ್ವತವಾಗಿ ನಲೆಸಿದ್ದಾನೆ.

Ø      ಹಿಮಾಲಯದ ಕೇದಾರನಾಥ

Ø      ಕಾಶಿಯ ವಿಶ್ವನಾಥ

Ø      ಸೌರಾಷ್ಟ್ರದ ಸೋಮನಾಥ

Ø      ಚಿತಾಭೂಮಿಯ ವೈದ್ಯನಾಥ

Ø      ಸೇತುಬಂಧದ ಸಮೀಪದ ರಾಮೇಶ್ವರ

Ø      ನರ್ಮದಾತೀರದ ಅಮರೇಶ್ವರ

Ø      ಗೋದಾವರಿ ತೀರದ ತ್ರ್ಯಂಬಕೇಶ್ವರ

Ø      ದಾರುಕಾವನದ ನಾಗೇಶ್ವರ

Ø      ಎಲ್ಲೋರಾದ ಶ್ರೀ ಘುಶ್ಮೇಶ್ವರ

Ø      ಶ್ರೀಶೈಲದ ಮಲ್ಲಕಾರ್ಜುನ

Ø      ಉಜ್ಜಯಿನಿಯ ಮಹಾಕಾಲ

Ø      ಢಾಕಿನಿಕ್ಷೇತ್ರದ ಭೀಮಶಂಕರ  - ಇವು ದ್ವಾದಶ ಜ್ಯೋತಿರ್ಲಿಂಗಗಳು.

ದ್ವಾದಶ ಜ್ಯೋತಿರ್ಲಿಂಗ ಸ್ಮರಣೆಯನ್ನು ಪ್ರತಿನಿತ್ಯ ಮಾಡುವುದರಿಂದ ಸಕಲಪಾಪವೂ ಪರಿಹಾರವಾಗುವುದೆಂಬ ಭಾವನೆ ಭಕ್ತರಲ್ಲಿ ಆಳವಾಗಿ ಬೇರೂರಿದೆ. ತಮವನ್ನು ಕಳೆದು ಬೆಳಕಿನತ್ತ ಕೊಂಡೊಯ್ಯುವ ಶಕ್ತಿ ಈ ಸ್ಥಳಗಳಿಗಿದೆಯೆಂಬ ನಂಬಿಕೆಯು ಅಷ್ಟೇ ಗಾಢವಾಗಿದೆ.

ಪಂಚಭೂತಗಳಾದ ಪೃಥ್ವಿ (ಭೂಮಿ), ಅಪ್ (ನೀರು), ತೇಜ (ಅಗ್ನಿ), ವಾಯು (ಗಾಳಿ), ಆಕಾಶ (ಬಯಲು) ಇವುಗಳ ಪ್ರತೀಕವಾದ ಪಂಚಮಹಾಭೂತಾತ್ಮಕ ಲಿಂಗಗಳಿರುವ ಸ್ಥಾನಗಳು ಪುಣ್ಯ ಕ್ಷೇತ್ರಗಳೆನಿಸಿವೆ. ಶೈವ ಪಂಥದವರ ಆಳ್ವಿಕೆಗೆ ಒಳಗಾಗಿದ್ದರ ಪ್ರಭಾವದಿಂದಲೋ ಈ ಐದೂ ಶಿವಕ್ಷೇತ್ರಗಳೂ ತಮಿಳುನಾಡಿನಲ್ಲಿವೆ.

v     ಪೃಥ್ವೀಲಿಂಗ – ತಿರುವಿಡೈಮರದೂರು

v     ಆಪೋಲಿಂಗ – ತಿರುವಾಣೈಕಾವಲ್

v     ತೇಜೋಲಿಂಗ – ತಿರುವಣ್ಣಾಮಲೈ

v     ವಾಯುಲಿಂಗ – ತಿರುವಾಲಂಗಾಡು

v     ಆಕಾಶಲಿಂಗ – ಚಿದಂಬರಂ

ಈ ದೇವಾಲಯಗಳನ್ನೊಳಗೊಂಡಂತೆ ಪ್ರಪಂಚದ ಉದ್ದಗಲಕ್ಕೂ ಇರುವ ಎಲ್ಲಾ ಶಿವಮಂದಿರಗಳಲ್ಲೂ ಶಿವರಾತ್ರಿಯ ದಿನವಾದ ಇಂದು ವಿಶೇಷ ಪೂಜೆಗಳು ಜರುಗುತ್ತವೆ. ಭಕ್ತರು ಶಿವದರ್ಶನವನ್ನು ಮಾಡಿ ಪುನೀತರಾಗುತ್ತಾರೆ.

ಸಂಪದ ಬಳಗದವರಿಗೆಲ್ಲರಿಗೂ ಶಿವರಾತ್ರಿಯ ಶುಭಾಶಯಗಳು.

**********

ಚಿತ್ರ ಗೂಗಲ್ ಕೃಪೆ