ಕುಮದ್ವತಿ ನದಿ

 ಎಷ್ಟೊಂದು  ಕಾಲ  ನಿನ್ನೊಡಲಲ್ಲಿ  ,

   ನಾನು   ಆಡಿರುವೆನು, ನಲಿದಿರುವೆನು.

ಮಿಂದಿರುವೆನು  , ಹೊರಳಾಡಿರುವೆನು, 

ನಿನ್ನ  ತಟದಲ್ಲಿ  ನಡೆದಾಡಿರುವೆನು  .

ನಿನ್ನ  ದಡದ  ಆ  ಹುಲ್ಲುಗಾವಲ ಬಯಲಲ್ಲಿ,

 ಮುೞುಗಂಟಿಗಳಲ್ಲಿ , ದನಕರುಗಳ ಸಹವಾಸದಲ್ಲಿ,

ಜಲಪಾನ,  ಜಲಸ್ನಾನ, ಮರಳಹಾಸಿನ  ಬಿಸಿಲಸ್ನಾನ

ಸವಿದ  ಸವಿನೆನಪು  ಸವಿದರೆಷ್ಟು  ಸವಿ  ಎಂದು  ನನಗೆ  ಗೊತ್ತು.

ನೀ ಹರಿಯುವ  ಆ  ಪಥ ,  ಹಸಿರು ಹಾಸಿನ  ರಥ,

ಮಲೆನಾಡ  ಮದವಣಗತ್ತಿ   ಹೆಜ್ಜೆಯಪಥ

ಕೋಗಿಲೆ  ನೈದಲೇ  ನಲಿದುಹಾಡುವ  ರಸರಥ,

ಕುಮದ್ವತಿ  ನೀನೇ  ನನ್ನ  ಜೀವನದಿಯ  ಪಥ.