ಮತ್ತೆ ನಲ್ಲೆ

ಹಳೆತನವು ಬೇಸತ್ತು ಹೊಸತನದ ಹುಡುಕಾಟ
ಶುರುವಾಗಿ ನೆನಪಾದೆ ನನ್ನ ನಲ್ಲೆ
ಕಳೆದಿರುವ ನನ್ನನ್ನೆ ನೆನಪಿಸಿದೆ ಮತ್ತೊಮ್ಮೆ
ಮೌನ ಸಾಗರದಲ್ಲಿ  ಕಳೆದೆ ಎಲ್ಲೆ |೧

ಒಡೆದಿಹುದು ಗಾಜಲ್ಲ, ಪ್ರೀತಿ ವಜ್ರ
ಕುಬ್ಜವಾಯಿತೆ ಮನಸ ತಿಂದ ಕನಸು
ಮುರುಟಿದ್ದು ಸುಟ್ಟಿದ್ದು ಮೊಗ್ಗಲ್ಲ ಇನಿಯೆ
ಹೆಚ್ಚಿ ಹಾಕಿದ ಹೃದಯ ತ್ಯಜಿಸಿದುಸಿರು|೨|

ಮಳೆಗಾಲದಾ ಮಿಂಚು, ಗುಡುಗು ಸಿಡಿಲು
ನಿನ್ನ ಪ್ರೀತಿಯ , ಸಿಟ್ಟ , ಮೋಡಿ ಮಡಿಲು
ಮಾತನಾಡದೆ ಮೌನ ದೂರವೇಕೆ ?
ಮೌನ ಚಡಿಯೇಟಿನ್ನು ತಾಳೆ , ಸಾಕೆ.. |೩|