ಶ್ರೀಶ್ರೀಧರಾರಾಧನೆ

ನಿನ್ನ ಪದಕರ್ಪಿಸುವೆ ನೀತುಳಸಿ ಮಾಲೆಯನು
ತಂದೆ ಕಾಯೋ ಕರ್ಮ ದೋಷಗಳ ಕಳೆಯೋ ||ಪ||

ಶುಭವಾರ ಶುಭಕರಣ ನಾನೋಡಲಿಲ್ಲ ದೊರೆ
ಅಭಯದಾಯಕ ನಿನ್ನ ಶರಣು ಹೋಗುವರೆ  |
ಅಭಿಮಾನ ಧನನಾದ ಗುರುವೇ ಶ್ರೀಧರ ನಿನ್ನ
ಶುಭದ ಪಾದಾರವಿಂದಗಳೆನಗೆ ತೋರೋ  ||1||

ಲಾಭ ನಷ್ಟದ ಲೆಕ್ಕ ಮುಗಿದಿಲ್ಲ ಬದುಕಿನಲಿ
ಲೋಭ ಮತ್ಸರವಿಲ್ಲದಿರಲಿಲ್ಲವಿಲ್ಲಿ   |
ಈ ಭಯಂಕರವಾದ ನರಕದಿಂದುದ್ದರಿಸಿ  
ಶೋಭಿಸುವ ವರದ ಕರ ತೋರು ಕರುಣದಲಿ  ||2||

ದರುಶನವೆ ಸಂಪ್ರೀತಿ ಸಿಂಚನದ ಅನುಭೂತಿ
ಹರುಷ ಸಾಮ್ರಾಜ್ಯವದು ಅದಕೆ ನೀನಧಿಪತಿ  |
ವರದ ಪುರದಲಿ ನೆಲಸಿ ಭಜಕರಿಂಗಿತ ಸಲಿಸಿ
ಕರುಣಿಸುವ ಶ್ರೀಧರನೇ ಕಾದಿರುವೆ ಬಯಸಿ ||೩||

                                                               - ಸದಾನಂದ