ರಸಬಾಳೆ

ಸೂಚನೆಃ  ಕೆಳಗಿನ ಸಾಲುಗಳನ್ನು ``ರಘುಪತಿ ರಾಘವ ರಾಜಾ ರಾಂ`` ಇಲ್ಲವೆ  `` ಚಂಡಕಿ ರಣಕುಲ ಮಂಡನ ರಾಂ`` ರಾಗದಲ್ಲಿ ಹೇಳುವುದು.

ನಂಜನಗೂಡಿನ ರಸ ಬಾಳೆ
ಹಳದಿಯ ಸಿಪ್ಪೆಯು ಹೊನ್ನಬಳೆ
ಜಿಗಿದರೆ ಬಾಯೊಳು ಜೇನ ಮಳೆ
ತುಂಬಿತು ಉದರದಿ ರಸದ ಹೊಳೆ

ನಂಜನಗೂಡಿನ...

ಕಪಿಲೆಯ ದಡದಿಹ ಕದಳಿ ವನ
ನೋಡಲು ಅರಳಿತು ನಗೊ-ವದನ
ಹರುಷದಿ ಕುಣಿಯಿತು ನಗುವ ಮನ
ನಳನಳಿಸುವ ಈ ಹಸಿರು ಬನ.

ನಂಜನಗೂಡಿನ.....

ಬಲವದು ಕಾಯಕೆ ಕದಳಿ ಫಲ
ಹನುಮನ ಪೂಜೆಗೆ ಇದು ಸು-ಫಲ
ನಿತ್ಯ ನಿರಂತರ ದೊರೆವ ಫಲ
ಸತ್ಯವೊ ಕರಿಗಿದು ಮಧುರ ಫಲ.

ನಂಜನಗೂಡಿನ.....

ಕಲ್ಲುಸಕ್ಕರೆಯ ಮರೆವ ಮನ
ರಸಬಾಳೆಯ ಸಿಹಿ ಸವಿದ ದಿನ.
ಬೇಡವೊ ಅದು ಇದು ಅನುಮಾನ
ತಿಂದು ನಿರತ ನೆನೆ ಶ್ರೀಕಂಠನ.