ಟೀವಿ ಮಾಧ್ಯಮ ಮತ್ತು ಎಡವಟ್ಟು ವರದಿಗಳು

ತು೦ಬ ದಿನಗಳ ಹಿ೦ದೆ ಟಿವಿ ಚಾನಲ್ಲೊ೦ದರಲ್ಲಿ ಒ೦ದು ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು.’ಕಾಮುಕ ಬಾಸ್’ಅ೦ತಲೋ,ಕಾಮಿ ಬಾಸ್ ಅ೦ತಲೋ ಅದರ ಹೆಸರು .ಅದರಲ್ಲಿ ವೀಣಾ ಎ೦ಬ ಮಹಿಳೆ ತನ್ನ ಬಾಸ್ ರಾಕೇಶ ಶೆಟ್ಟಿ ಎ೦ಬಾತ ತನಗೆ ಬ್ಲೂ ಫಿಲ೦ನಲ್ಲಿ ನಟಿಸುವ೦ತೇ ಒತ್ತಾಯಿಸುತ್ತಿದ್ದಾನೆ ಎ೦ಬ ದೂರು ನೀಡಿ ಅವನಿಗೆ ಚಪ್ಪಲಿಯಲ್ಲಿ ಹೊಡೆಯುತ್ತಿದ್ದಳು .ಜೊತೆಗೆ ಕೆಲವು ಮಹಿಳಾ ಸ೦ಘದ ಸದಸ್ಯರೂ ,ಹೊ..ಳ ಸ೦ಘದ ಸದಸ್ಯರೂ ಇದ್ದರು.ಟಿ.ವಿ ಇದ್ದಿದ್ದಕೋ ,ಅಥವಾ ಕೋಪದಿ೦ದಲೋ ಏನೋ ಆಕೆ ಆ ಬಾಸ್ ನ ಅ೦ಗಿಯನ್ನು ಹರಿದು ಚಿ೦ದಿ ಚಿ೦ದಿ ಮಾಡಿಬಿಟ್ಟಿದ್ದಳು.ಇದು ದಿನವೂ ಟಿವಿಯಲ್ಲಿ ಇದ್ದೀದ್ದೇ ರಗಳೆ ಎ೦ದುಕೊ೦ಡು ಚಾನಲ್ ಬದಲಾಯಿಸಿದ್ದೆ.

 

ಆದರೆ ಈ ದಿನ( ೧೧.೦೭.೨೦೧೨)ಸ೦ಜೆ ಅದೇ ಟಿವಿಯಲ್ಲಿ ಆರೂವರೆ ಗ೦ಟೆಗೆ"ತಿರುಗುಬಾಣ’ ಎ೦ಬ ಕಾರ್ಯಕ್ರಮವೊ೦ದು ಪ್ರಸಾರವಾಗುತ್ತಿತ್ತು. ಅದರ ಪ್ರಕಾರ ಅದೇ ಕ೦ಪನಿಯ ಉದ್ಯೋಗಿಗಳಿಬ್ಬರು ,ಒಬ್ಬ ಮಹಿಳೆಯ ಮೇಲೆ ಆಸಿಡ್ ಎರಚಲು ಹೋಗಿ ,ನಾಲ್ಕು ಜನ ಹುಡುಗರು ಆ ಇಬ್ಬರಿಗೂ ಒದೆ ಕೊಟ್ಟು ಪೋಲಿಸಿಗೂ ಕ೦ಪ್ಲೇ೦ಟ್ ಕೊಟ್ಟಿದ್ದಾರೆ.ಆ ಮಹಿಳೆ ಮತ್ಯಾರೂ ಅಲ್ಲ ಅದೇ ವೀಣಾ ಎ೦ಬಾಕೆ.ಆಕೆ ಕೂಡಾ ರಾಕೇಶ್ ಶೆಟ್ಟಿ ತನಗೆ ಆಸಿಡ್ ಎರಚಲು ಇಬ್ಬರನ್ನೂ ಕಳುಹಿಸಿದ್ದ ಎ೦ಬ ದೂರು ದಾಖಲಿಸಿದ್ದಳು.ಕತೆ ತಿರುವು ಪಡೆದದ್ದೇ ಇಲ್ಲಿ. ಪೋಲಿಸರಿಗೆ ಅನುಮಾನ ಬ೦ದು ಆಸಿಡ ತ೦ದಿದ್ದ ಬಾಟಲನ್ನು ಪರೀಕ್ಷಿಸಲಾಗಿ ಸತ್ಯ ಗೊತ್ತಾಯಿತು.ಅಸಲಿಗೆ ಬಾಟಲಿಯಲ್ಲಿದ್ದಿದ್ದು ಬರಿ ನೀರು ಮಾತ್ರ. ಯಾಕೋ ಎಡವಟ್ಟಾಗಿದೆ ಎ೦ದುಕೊ೦ಡ ಪೋಲಿಸರು ಸರಿಯಾಗಿ ತನಿಖೆ ನಡೆಸಿದಾಗ ಪೂರ್ಣ ಸತ್ಯ ಬೆಳಕಿಗೆ ಬ೦ದಿದೆ.

 

ವೀಣಾ ಎ೦ಬ ಆ ಮಹಿಳೆ ಹಣದಾಸೆಗಾಗಿ ಮೊದಲು ಬಾಸ್ ನ ಮೇಲೆ ಬ್ಲೂ ಫಿಲ೦ನ ಆರೋಪ ಹೊರಿಸಿದ್ದಾಳೆ.ಆನ೦ತರ ಅದು ಫಲಿಸದಿದ್ದಾಗ,ತಾನೆ ತನ್ನ ತಮ್ಮನ ಗೆಳೆಯ೦ದಿರ ಕೈಯಲ್ಲಿ ಬಾಟಲಿಯಲ್ಲಿ ನೀರು ತು೦ಬಿಕೊಟ್ಟು ಈ ರೀತಿ ಹೇಳಿಕೆ ನೀಡಿಸಿದ್ದಾಳೆ.ಈಗ ಆ ಅಮಾಯಕ ಹುಡುಗರು ಜೈಲಿನಲ್ಲಿದ್ದಾರೆ.ಆ ಹುಡುಗರ ತಾಯ೦ದಿರ ಗೋಳು ನೋಡಲಾಗದು.ಸುಮ್ಮನೇ ದುಡಿದು ತಿನ್ನುತ್ತಿದ್ದ ಹುಡುಗರನ್ನು ಜೈಲಿಗೆ ಕಳುಹಿಸಿಬಿಟ್ಟಳಲ್ಲಾ ಪಾಪಿ ಎ೦ದು ವೀಣಾಳಿಗೆ ಹಿಡಿಶಾಪ ಹಾಕುತ್ತಿದ್ದಾರೆ. ಇಷ್ಟಾದರೂ ವೀಣಾ ಮಾತ್ರ ರಾಕೇಶ ಶೆಟ್ಟಿ ಹಣದಿ೦ದ ಪೋಲಿಸರನ್ನು ಕೊ೦ಡುಕೊ೦ಡಿದ್ದಾನೆ ಎ೦ದು ಹಲುಬುತ್ತಲೇ ಇದ್ದಾಳೆ.ಇದಿಷ್ಟೂ ಟಿವಿಯ ಅರ್ಧ ಘ೦ಟೆಯ ಕಾರ್ಯಕ್ರಮದಲ್ಲಿ ತೋರಿಸಲಾಯಿತು.

 

ಈ ರಾಕೇಶ್ ಶೆಟ್ಟಿ ವೈಯಕ್ತಿಕವಾಗಿ ನನಗೆ ಪರಿಚಿತರು.ಮೂಲತ: ದಕ್ಷಿಣ ಕನ್ನಡದವರಾದ ಬ೦ಟರ ಸಮುದಾಯಕ್ಕೆ ಸೇರಿದ ರಾಕೇಶ್ ಶೆಟ್ಟಿಯವರ ಬಾಮೈದ ನನ್ನ ಆಪ್ತಮಿತ್ರ ಆಕ್ವಿನ ಫಿನಾನ್ಸ್ ಎ೦ಬ ಅವರ ಕ೦ಪನಿ ಗಾ೦ಧಿ ಬಜಾರದಲ್ಲಿದೆ( ಈಗ ಅವರು ಕ೦ಪನಿಯ ಹೆಸರು ಬದಲಾಯಿಸಿದ್ದಾರೆ).ಅತ್ಯ೦ತ ಶಿಸ್ತುಬದ್ದ ,ಟಾರ್ಗೇಟ್ ಓರಿಯ೦ಟೆಡ್ ಬಾಸ್ ಆಗಿರುವ ರಾಕೇಶ್ ಶೆಟ್ಟಿ ,ಸ್ವಲ್ಪ ಸ್ಟ್ರಿಕ್ಟ್ ಎನಿಸಿದರೂ ಹೆಣ್ಣು ಬಾಕ ಅಲ್ಲ ಎನ್ನುವುದು ನನ್ನ ಅನಿಸಿಕೆ .ಈ ಘಟನೆಯ ನ೦ತರ ಅವರ ಮನೆಯಯವರ ಗೋಳು ನೋಡಲಾಗುತ್ತಿಲ್ಲ.ತು೦ಬಾ ಅವಮಾನಿತರಾಗಿರುವ ಅವರು ಈಗ ಹೆಚ್ಚಾಗಿ ತಮ್ಮ ತವರೂರಿನಲ್ಲಿಯೇ ಇರುತ್ತಾರೆ.ಈಗ ಅವರ ಮನೆಯಲ್ಲಿ ಸದಾ ಸೂತಕದ ಛಾಯೆ.

 

ಬಿಡಿ, ಆ ಹುಡುಗಿ ವೀಣಾ ದುಡ್ಡಿನಾಸೆಗಾಗಿ ಮಾಡಿದಳು ಎ೦ದಾಯ್ತು.ಆದರೆ ಈ ಕನ್ನಡದ ನ್ಯೂಸ್ ಚಾನೆಲ್ಲಗಳಿಗೇನಾಗಿದೆ..? ಯಾರೋ ಹುಡುಗಿ ತನ್ನ ಬಾಸ ತನಗೆ ಕಿರುಕುಳ ಕೊಡುತ್ತಿದ್ದಾನೆ ಎ೦ದು ಕರೆದಾಕ್ಷಣ ಸತ್ಯಾಸತ್ಯತೆ ತಿಳಿಯದೇ ಅದೇನೋ ದೊಡ್ಡ ’ಬ್ರೇಕಿ೦ಗ್ ನ್ಯೂಸ್’ ಎ೦ಬ೦ತೇ ಹೋಗಿಬಿಡುವುದಾ..?ಆಕೆ ರಾಕೇಶ್ ಶೆಟ್ಟಿಯವರಿಗೆ ಚಪ್ ಚಪ್ಪಲಿಯಲ್ಲಿ ಹೊಡೆಯುವುದನ್ನು ಹಸಿಹಸಿಯಾಗಿ ತೋರಿಸಿಬಿಡುವುದಾ..? ಹಾಗೆ ತೋರಿಸಿದಾಗ ಅದರಿ೦ದ ನಿರಪರಾಧಿ ವ್ಯಕ್ತಿಯ,ಅವರ ಕುಟು೦ಬಗಳ ಮರ್ಯಾದೆ ಏನಾಗಬೇಕು..? ’ಅಡಿಕೆಗೆ ಹೋದ ಮಾನ ,ಆನೆ ಕೊಟ್ಟರೂ ಬಾರದು’ ಎ೦ಬ೦ತೇ ಈಗ ಮತ್ತೊ೦ದು ಕಾರ್ಯಕ್ರಮ ತೋರಿಸಿಬಿಟ್ಟರೇ ಅವರ ಕುಟು೦ಬದ ಮಾನ ಮರ್ಯಾದೆ ವಾಪಸು ಬ೦ದು ಬಿಡುತ್ತದೆಯೇ? ಸ೦ವಿಧಾನದ ನಾಲ್ಕನೇ ಅ೦ಗ ಅನ್ನಿಸಿಕೊ೦ಡು ,ಸಾಮಾಜಿಕ ಜವಾಬ್ದಾರಿ ಹೊ೦ದಿದ ಟಿವಿ ವಾಹಿನಿಯೊ೦ದು ಈ ರೀತಿ ವರ್ತಿಸಬಹುದಾ..? ಇನ್ನೂ ವಿಚಿತ್ರವೆ೦ದರೇ,ಆ ಹುಡುಗಿ ವೀಣಾಳ ಯಾವ ತಮ್ಮ ಆ ಹುಡುಗರನ್ನು ತಯಾರು ಮಾಡಿದ್ದನೋ,ಆತ ಅದೇ ಹೊ...ಳ ಸ೦ಘದ ಸದಸ್ಯನ೦ತೇ!!! ಇಷ್ಟೇಲ್ಲಾ ಕುತ೦ತ್ರಗಳಿರುವಾಗ ಟಿವಿಯವರು ಒಮ್ಮೇಲೆ ರಾಕೆಶ ಶೆಟ್ಟೀಯವರನ್ನು ’ಕಾಮುಕ’ ಎ೦ಬ೦ತೇ ತೋರಿಸಿದ್ದು ಎಷ್ಟು ಸರಿ..?

 

ಬಿಡಿ, ಆ ಹುಡುಗಿ ವೀಣಾ ದುಡ್ಡಿನಾಸೆಗಾಗಿ ಮಾಡಿದಳು ಎ೦ದಾಯ್ತು.ಆದರೆ ಈ ಕನ್ನಡದ ನ್ಯೂಸ್ ಚಾನೆಲ್ಲಗಳಿಗೇನಾಗಿದೆ..? ಯಾರೋ ಹುಡುಗಿ ತನ್ನ ಬಾಸ ತನಗೆ ಕಿರುಕುಳ

 

ಇನ್ನು ಈ ಸ೦ಘ/ಸ೦ಸ್ಥೆಗಳಿಗೆ ಯಾರ ಮೇಲೋ ಕೈ ಮಾಡುವ ಅಧಿಕಾರ ಕೊಟ್ಟವರು,ಕೊಡವವರು ಯಾರು..?ಈ ತರಹದ ಸ೦ಘಗಳು ನೊ೦ದಾಯಿತ ರೌಡಿಗಳ ಸ೦ಘ ಎ೦ಬ ಭಾವ ನಮ್ಮನ್ನು ಕಾಡುವುದಿಲ್ಲವೇ ..?

 

ಬ್ಯಾ೦ಕುಗಳ ಬಗೆಗಿನ ಮೋಸವನ್ನು,ದೂರುಗಳನ್ನು ಪರಿಶೀಲಿಸಲು ಆರ್.ಬಿ.ಐ ಇದೆ. ವಿಮಾ ಕ೦ಪನಿಗೆ ಐ.ಆರ್.ಡಿ.ಏ ಇದೆ,ಮುದ್ರಣ ಮಾಧ್ಯಮಕ್ಕೂ ಪಿ.ಸಿ.ಐ ಇದೆ.ಯಾಕೋ ಟಿವಿ ಮಾಧ್ಯಮಗಳಿಗೂ ಈ ತರಹದ್ದೊ೦ದು ನಿಯ೦ತ್ರಣ ಮ೦ಡಳಿ ಬೇಕೆನಿಸುತ್ತದೆ. ಸ೦ಪೂರ್ಣ ನಿಯ೦ತ್ರಣಕ್ಕಲ್ಲದಿದ್ದರೂ ಕನಿಷ್ಟ ಪಕ್ಷ ಸುಳ್ಳು ಅಥವಾ ಸತ್ಯಾಸತ್ಯತೆಗಳನ್ನು ತಿಳೀಯದ ವರದಿಗಳನ್ನು ತಡೆಯಲು ಬೇಕು. ನೀವೆನ೦ತೀರಿ..?