೧+೧ ಒಂದೇ ...

ನಾನು ಅಂದುಕೊಂಡದ್ದನ್ನೆಲ್ಲ

ಬರೆಯಲು ಸಾಧ್ಯವಿಲ್ಲ,

ಇದಕ್ಕೆ ಮನಸೂ ಒಪ್ಪುವುದಿಲ್ಲ..

ನಾನು ಈ ವ್ಯವಸ್ಥೆಯ ಅವಸ್ಥೆ..

ನಾನು ಸರಿ ಎಂದಾಗ 

ಅವರು ಹುಚ್ಚರಂತೆ ಕಂಡರು

ನಾನೂ ಹುಚ್ಚನಾದೆ..

ನಾನು ಅವಸ್ಥೆ, ನಾನು ಬದಲಾಗಬೇಕಿದೆ

ಆರರಿಂದ ಮೂರಕ್ಕೆ, ಮೂರರಿಂದ ಆರಕ್ಕೆ..

ಎಲ್ಲ ತರ್ಕಗಳಾಚೆ ನಾನು ನಿಲ್ಲಬೇಕಿದೆ

೧+೧ ಒಂದೇ  ಎಂದು

ಗೊಡೆಗೆ ನೇತು ಬಿದ್ದ ಗಡಿಯಾರಕ್ಕು 

ಮುಂದೆ ನಿಂತ ನಿನಗೂ ಹೇಳಬೇಕಿದೆ..

ವಿಭಜನೆಯನ್ನೆ ಭಜಿಸುತ್ತ

ನಿಂತ ನಿರುಪದ್ರವಿಗಳ ಮುಂದೆ

ಬಗ್ಗಬೇಕು, ಸಲಾಮು ಹೊಡೆಯಬೇಕು,

ಪಟ್ಟಿಮಾಡಿ ಕಾಯಬೇಕಿದೆ..

ನಾನು ಕಂಡದ್ದನ್ನೆಲ್ಲ ಬಚ್ಚಿಟ್ಟು 

ಬರೆಯಲೂ ಸಾಧ್ಯವಿಲ್ಲ..

ಶಿವಪ್ರಸಾದ್ ಶಹಾಪುರ