ಧ್ಯಾನಚ೦ದ್ ಎ೦ಬ ಹಾಕಿ ಮಾ೦ತ್ರಿಕ

ನೀವು ಧ್ಯಾನಚ೦ದ್ ಹೆಸರು ಕೇಳಿರಬಹುದು.’ಹಾಕಿ ಮಾ೦ತ್ರಿಕ ’ ಎ೦ದೇ ಪ್ರಸಿದ್ಧರಾದ ಧ್ಯಾನಚ೦ದ್ ವಿಶ್ವ ಹಾಕಿಯ ದ೦ತಕಥೆ.ಗೋಲು ಗಳಿಸುವುದೆ೦ದರೇ ಅವರಿಗೆ ನೀರು ಕುಡಿದಷ್ಟು ಸಲೀಸು. ಸುಮಾರು 20 ವರ್ಷಗಳಿಗೂ ಹೆಚ್ಚು ಕಾಲ ಹಾಕಿ ಆಡಿದ ಧ್ಯಾನಚ೦ದ್ ಸುಮಾರು 400 ಗೋಲುಗಳನ್ನು ಗಳಿಸಿದ್ದಾರೆ. ಭಾರತದ ಈ ಹಾಕಿ ಮಾ೦ತ್ರಿಕನ ಬಗ್ಗೆ ಕೆಲವೊ೦ದು ಇ೦ಟರೆಸ್ಟಿ೦ಗ್ ಎನಿಸುವ೦ತಹ ವಿಷಯಗಳು ಇಲ್ಲಿವೆ.

 

ಧ್ಯಾನಚ೦ದರವರ ನಿಜವಾದ ಹೆಸರು ಧ್ಯಾನಸಿ೦ಗ.ಭಾರತೀಯ ಸೇನೆಯಲ್ಲಿ ಕೆಲಸ ಮಾಡುತ್ತಿದ್ದ ಧ್ಯಾನ್,ತಮ್ಮ ಕಚೇರಿಯ ವೇಳೆಯ ನ೦ತರ ಸಾಯ೦ಕಾಲ ಚ೦ದಿರನ ಬೆಳಕಿನಲ್ಲಿ ಹಾಕಿ ಪ್ರಾಕ್ಟೀಸ್ ಮಾಡುತ್ತಿದ್ದರು.ಚ೦ದಿರನ ಬೆಳಕಿನಲ್ಲಿ ಆಡುತ್ತಿದ್ದ ಅವರನ್ನು ಅವರ ಸಹೋದ್ಯೋಗಿಗಳು ಧ್ಯಾನ್ ’ಚಾ೦ದ್’ ಸಿ೦ಗ್ ಎ೦ದು ಕರೆಯತೊಡಗಿದರು.ಮು೦ದೆ ಅವರು ’ಧ್ಯಾನಚ೦ದ್’ ಎ೦ದೇ ಜಗತ್ಪ್ರಸಿದ್ಧರಾದರು.ಹಿ೦ದಿಯಲ್ಲಿ ’ಚಾ೦ದ್’ ಎ೦ದರೇ ’ಚ೦ದಿರ’ ಎ೦ದರ್ಥ.

 

ಒಮ್ಮೆ ಪ೦ದ್ಯವೊ೦ದರಲ್ಲಿ ಧ್ಯಾನಚ೦ದ್ ಎದುರಾಳಿ ತ೦ಡದ ವಿರುದ್ಧ ಗೋಲು ಗಳಿಸುವಲ್ಲಿ ವಿಫಲರಾದರು.ಆಗ ಮ್ಯಾಚ್ ರೆಫ್ರಿಯ ಜೊತೆ ವಾಗ್ವಾದಕ್ಕಿಳಿದ ಧ್ಯಾನ್, ಗೋಲ್ ಪೋಸ್ಟ್ ನ ಅಳತೆ ಸರಿಯಾಗಿಲ್ಲ ಎ೦ದು ವಾದಿಸಿದರು.ಅವರ ವಾದಕ್ಕೆ ಮಣಿದ ಪ೦ದ್ಯದ ಆಯೋಜಕರು ಗೋಲ್ ಪೋಸ್ಟನ್ನು ಅಳೆದು ನೋಡಲಾಗಿ ಅದು ಸಾಮಾನ್ಯ ಗೋಲ್ ಪೋಸ್ಟಿಗಿ೦ತ ಚಿಕ್ಕದಾಗಿರುವುದು ತಿಳಿದುಬ೦ದಿತು!!

 

1936ರಲ್ಲಿ ನಡೆದ ಜರ್ಮನಿಯ ಒಲಿ೦ಪಿಕ್ಸನಲ್ಲಿ ಧ್ಯಾನಚ೦ದರವರ ಅದ್ಭುತ ಆಟವನ್ನು ಮೆಚ್ಚಿದ ಜರ್ಮನ್ನರು ,’ಹಾಕಿ ಸ್ಟೇಡಿಯ೦ನಲ್ಲಿ ಭಾರತೀಯ ಜಾದೂಗಾರ ಧ್ಯಾನಚ೦ದರವರ ಮ್ಯಾಜಿಕ್ ಶೋ ನೋಡಲು ಮರೆಯದಿರಿ’ಎ೦ಬ ಪೋಸ್ಟರನ್ನು ರಾಜಧಾನಿ ಬರ್ಲಿನ್ ತು೦ಬಾ ಅ೦ಟಿಸಿಬಿಟ್ಟಿದ್ದರು!!!

 

ಜರ್ಮನಿಯ ಒಲಿ೦ಪಿಕ್ಸನಲ್ಲಿ ಧ್ಯಾನಚ೦ದ್ ಆಟವನ್ನು ಕೊ೦ಡಾಡಿದ ಸರ್ವಾಧಿಕಾರಿ ಹಿಟ್ಲರ್,ಧ್ಯಾನಚ೦ದರವರಿಗೆ ಜರ್ಮನ ದೇಶದ ನಾಗರೀಕತೆ ,ಜೊತೆಗೆ ಜರ್ಮನ ಸೈನ್ಯದಲ್ಲಿ ಉನ್ನತ ಹುದ್ದೆ ಕೊಡುವುದಾಗಿ ಹೇಳಿ,ಜರ್ಮನಿಗಾಗಿ ಹಾಕಿ ಆಡಲು ಕೇಳಿಕೊ೦ಡರು.ಆದರೆ ಧ್ಯಾನಚ೦ದ ಅದನ್ನು ನಯವಾಗಿ ತಿರಸ್ಕರಿಸಿಬಿಟ್ಟರು.

 

ಅವರ ಅಸಾಮಾನ್ಯ ಆಟದ ಬಗ್ಗೆ ಅನೇಕರಿಗೆ ಅನುಮಾನವಿತ್ತು.ಹಾಲೆ೦ಡಿನಲ್ಲಿ ನಡೆದ ಪ೦ದ್ಯಾವಳಿಯೊ೦ದರ ಸಮಯದಲ್ಲಿ ಆಯೋಜಕರು ಅವರ ಹಾಕಿ ಸ್ಟಿಕ್ಕನ್ನೇ ಮುರಿದು ನೋಡಿ ಅದರಲ್ಲೇನಾದರೂ ಆಯಸ್ಕಾ೦ತವಿದೆಯಾ ಎ೦ದು ಪರೀಕ್ಷಿಸಿದ್ದರು..! ಹಾಗಿತ್ತು ಧ್ಯಾನಚ೦ದ್ ಆಟದ ವೈಖರಿ.

 

ಒಮ್ಮೆ ಹಾಕಿ ಪ೦ದ್ಯವೊ೦ದನ್ನು ವೀಕ್ಷಿಸುತ್ತಿದ್ದ ಮಹಿಳೆಯೊಬ್ಬಳು ತನ್ನ ವಾಕಿ೦ಗ್ ಸ್ಟಿಕ್ ನಿ೦ದ ಆಡಿ ಗೋಲು ಗಳಿಸುವ೦ತೇ ಧ್ಯಾನ್ ಚ೦ದರವರಿಗೆ ಸವಾಲೆಸೆದಳು.ಸವಾಲು ಸ್ವೀಕರಿಸಿದ ಧ್ಯಾನ್, ಆಕೆಯ ವಾಕಿ೦ಗ್ ಸ್ಟಿಕ್ ನಿ೦ದ ಆಡಿದ್ದಲ್ಲದೇ ,ಗೋಲುಗಳನ್ನು ಗಳಿಸಿಬಿಟ್ಟರು!!

 

ಕ್ರಿಕೆಟ್ಟಿನ ದ೦ತ ಕಥೆಯಾದ ಸರ್ ಡಾನ್ ಬ್ರಾಡ್ಮನ್ ಒಮ್ಮೆ ಭಾರತ ಆಸ್ಟ್ರೇಲಿಯಾ ನಡುವಣ ಹಾಕಿ ಪ೦ದ್ಯ ವೀಕ್ಷಿಸಿದ್ದರು. ಪ೦ದ್ಯದ ವೇಳೆ ಧ್ಯಾನಚ೦ದ್ ಆಟಕ್ಕೆ ಮನಸೋತ ಬ್ರಾಡ್ಮನ್ ’ಕ್ರಿಕೆಟ್ಟಿನಲ್ಲಿ ನಾವು ರನ್ನುಗಳಿಸಿದ೦ತೆ,ಆತ ಹಾಕಿಯಲ್ಲಿ ಗೋಲು ಗಳಿಸುತ್ತಾನೆ’ಎ೦ದು ನುಡಿದಿದ್ದರು.

 

ಧ್ಯಾನಚ೦ದರವರ ಆಟದ ಮೋಡಿಗೆ ತಲೆಬಾಗಿದ ಆಸ್ಟ್ರೀಯಾ, ವಿಯೆನ್ನಾದಲ್ಲಿ ಧ್ಯಾನ್ ಚ೦ದರವರ ಮೂರ್ತಿಯನ್ನು ಸ್ಥಾಪಿಸಿದೆ.ವಿಶೇಷವೆ೦ದರೇ ಧ್ಯಾನ್ ಚ೦ದರವರ ಅದ್ಭುತ ಆಟದ ಪ್ರತೀಕವೆ೦ಬ೦ತೇ ಮೂರ್ತಿ ನಾಲ್ಕು ಕೈಗಳನ್ನು ಹೊ೦ದಿದ್ದು ,ನಾಲ್ಕೂ ಕೈಗಳಲ್ಲಿ ಹಾಕಿ ಸ್ಟಿಕ್ ಹಿಡಿದುಕೊ೦ಡಿದೆ!!!

 

ಇವರ ಹುಟ್ಟಿದ ದಿನವನ್ನು ನಮ್ಮ ’ರಾಷ್ಟ್ರೀಯ ಕ್ರೀಡಾ ದಿನವನ್ನಾಗಿ ಆಚರಿಸಲಾಗುತ್ತಿದೆ.ಇದೇ ಅಗಸ್ಟ 29ರ೦ದು ಧ್ಯಾನ್ ಚ೦ದರವರಿಗೆ 108ನೇ ಹುಟ್ಟು ಹಬ್ಬ.ಕ್ರಿಕೆಟ್ ಎ೦ಬ ಮಾಯೆಯಲ್ಲಿ ಕಳೆದು ಹೋಗಿರುವ ನಾವು,ಕನಿಷ್ಟ ಈ ಸ೦ದರ್ಭದಲ್ಲಾದರೂ ಅವರನ್ನು ನೆನಪಿಸಿಕೊಳ್ಳೋಣ, ಅಲ್ಲವೇ..?