ಹೊರಹೊಮ್ಮಬಾರದೇ !? ಕವಿತಾರ್ಥ!

ತಪವನಾಚರಿಸಿದಳು ಪದಪ್ರಕೃತಿ ಅರ್ಥಸಂಸರ್ಗಕೆ... ಸುಸಂಸ್ಕೃತವಸ್ತ್ರಧಾರಿಣಿಯಾಗಿ... ತತ್ಪುರುಷನ ಸುಳಿವಿಲ್ಲ. *** ವಿವಸ್ತ್ರಳಾದಳು, ಪುರುಷತ್ವ ಕೆರಳಿಸಲು....ವ್ಯರ್ಥರಸವೂ ಸ್ರವಿಸಲಿಲ್ಲ. *** ಅಸಮವಸ್ತ್ರ ಧರಿಸಿದಳು, ಮೈಸೊಬಗು ಕಾಣುವಂತೆ ! ಕಾಣದಂತೆ....! ಅನಿಸಿತು ಅರ್ಥ ಬಂದಂತೆ...ಬರಲಿಲ್ಲ... ಸಾರ್ಥಕವಾಗಲಿಲ್ಲ. **** ಅದೆಂಥ ಅರ್ಥಪುರುಷ...! ಅದೆಂಥ ಪುರುಷಾರ್ಥ....! ರಸಸ್ರವಿಸಿ ಮನ ತಣಿಸಬಾರದೇ !? ಪದಪ್ರಕೃತಿ ಮೈದುಂಬುವಂತೆ. ನವಮಾಸ ತುಂಬುವಂತೆ. ಕವಿತಾರ್ಥ ಹೊರಹೊಮ್ಮುವಂತೆ.