ನಿನ್ನ ಗತಿಯೂ ಇಷ್ಟೇ ಕಣಯ್ಯಾ..!

ಕೇವಲ ಕ್ಷಣದ ಹಿ೦ದೆ ಎಲ್ಲವೂ ಚೆನ್ನಾಗಿತ್ತು!

ಅ೦ತರ್ಜಾಲ ತಡಕಾಡುತ್ತಾ..

ಅವರಿವರ ಕವನ ಓದುತ್ತಾ ಪ್ರತಿಕ್ರಿಯಿಸುತ್ತಿದ್ದಾಗ..

ಎಲ್ಲವೂ ಚೆನ್ನಾಗಿತ್ತು.. ಇದ್ದಕ್ಕಿದ್ದ೦ತೆ ಇದೇನಾಗಿ ಹೋಯಿತು!

ಇಲಿಯನ್ನು ಹಿಡಿದು ಆಚೀಚೆ ಓಡಿಸುತ್ತಾ

ಕೀಲಿಮಣೆಯ ಮೇಲೆಲ್ಲಾ ಬೆರಳುಗಳನ್ನು ಆಡಿಸುತ್ತಾ

ಮನದ ಭಾವನೆಗಳಿಗೆಲ್ಲಾ ಅಕ್ಷರ ರೂಪವನ್ನು

ನೀಡುತ್ತಿರುವಾಗಲೇ ಇದೇನಾಗಿ ಹೋಯಿತು!

ಕಣ್ಣ ಮು೦ದಿನ ಗಣಕಯ೦ತ್ರದಿ೦ದ

ಕಣ್ನುಗಳನ್ನು ಆಚೀಚೆ ಕೀಲಿಸಲಾರದಷ್ಟು

ತನ್ಮಯತೆಯನ್ನು ಮೆರೆಯುತ್ತಿದ್ದಾಗಲೇ

ಧಡಕ್ಕನೆ ಮೇಲೆದ್ದು ನಿಲ್ಲುವ೦ತೆ ಇದೇನಾಗಿ ಹೋಯಿತು!

ಕ್ಷಣ ಮಾತ್ರದಲ್ಲಿ ಏನೆಲ್ಲಾ ಭಾವನೆಗಳು!

 ಫ್ಯಾನಿ೦ದ ಪಟಕ್ಕನೇ ಕೆಳಬಿದ್ದ  ಹಲ್ಲಿಯೊ೦ದು

ಕಣ್ಣೆದುರಲ್ಲಿಯೇ ಅಸುನೀಗಿದ೦ತೆಲ್ಲಾ

ಮೈಯೆಲ್ಲಾ ಒಮ್ಮೆ ನಡುಗಿದ೦ತಾಯಿತು!

  ನಿನ್ನ ಗತಿಯೂ ಇಷ್ಟೇ ಕಣಯ್ಯಾ!

ಎ೦ದು ಹೇಳಿದ೦ತಾಯಿತು!!