ಅವಳ ಜೊತೆಗಿನ ಕ್ಷಣಗಳು
ಬಿಟ್ಟಗಲದಿರು ಗೆಳತಿ
ಜಗದೊಳು ನಾನೋರ್ವ ಒಂಟಿ
ಕಳೆದಿರುವೆ ಅದೆಷ್ಟೋ ಹಗಲಿರುಳು
ಹುಡುಕುತ್ತ ಈ ಮನಕೊಂದು ಜಂಟಿ.
ಅಲ್ಲಷ್ಟು, ಇಲ್ಲಷ್ಟು, ಇನ್ನಷ್ಟು, ಮತ್ತಷ್ಟು
ಇರುವರು ಎಷ್ಟೆಷ್ಟೋ ಮಂದಿ,
ಆದರೂ ಮನವೇಕೊ
ನಿನ್ನಪ್ಪುಗೆಯಾ ಕ್ಷಣಗಳಾ ಕನಸಲ್ಲೇ ಬಂಧಿ..!!
ಕಡುವಾ ಕಣ್ಣೋಟ
ಮರೆಯದಾ ತುಂಟಾಟ,
ಹೋಗದಿರು ನೀ ದೂರದೂರ
ಪೋಣಿಸುವೆ ನಿನಗಾಗಿ, ಇದೋ ಈ ಮುತ್ತಿನಾ ಹಾರ.
ನನ್ನೆದೆಯ ಗೂಡಲ್ಲಿ
ಮಲಗಿರು ನೀನೊಂದು ಹಕ್ಕಿಯಂತೆ,
ಜೊತೆಯಲ್ಲಿ ನಾನಿರಲು
ನಿನಗೇತಕೆ ಜಗದ ಚಿಂತೆ?
ಬಾಳಿನ ದಾರಿಯಲಿ
ಬಂದೊದಗೋ ಸುಖ ಘಳಿಗೆ ,
ಜೊತೆಯಲ್ಲಿ ಇನ್ನೇನು ಬೇಕು?
ನೀನಿರಲು, ನನಗಿದೋ ಅಷ್ಟೇ ಸಾಕು ..!!
Rating