ವಂದನೆ-ನಿಂದನೆ (ಶ್ರೀ ನರಸಿಂಹ 55)

ವಂದಿಸಿದರು ಸರಿ, ನಿಂದಿಸಿದರು ಸರಿ ನೀ ದೇವನನು

ವಂದಿಸಿದರು, ನಿಂದಿಸಿದರು ಸ್ಮರಿಸಲೇ ಬೇಕವನನು

ಇಹನವನೆಂದು ನಂಬಿದರು ನೀ ಅವನನೆ ಸ್ಮರಿಸುವೆ

ಇಲ್ಲವವನೆನುವಾಗಲು ನೀ  ಅವನ ಹೆಸರ ಹೇಳುವೆ

ನಿನ್ನಂತೆ ನಡೆದಾಗವನ  ವಂದಿಸುತ ಸ್ಮರಿಸುವುದೇಕೆ

ನಡೆಯದಿರೆ ಕೋಪದಲಿ  ನಿಂದಿಸುತ ತೆಗಳುವುದೇಕೆ

ವಂದಿಸಿದರು,ನಿಂದಿಸಿದರು ನಿನ್ನ ಕೈ ಬಿಡನು ಅವನು

ಇಹನೆಂದರು, ಇಲ್ಲವವನೆಂದರು  ಸಲಹುವವನವನು

ವಂದಿಸಿದಿರು,ನಿಂದಿಸಿದರು ಸ್ಮರಿಸುತಿರುವೆವವನ ಮನಸಿನಲಿ  

ಕೈಬಿಡದೆ ಸಲಹುವನೆಲ್ಲರ ಶ್ರೀ ನರಸಿಂಹ ಹಗಲು ಇರುಳಿನಲಿ