ಪಾಳು ಮನೆ

ಪಾಳು ಮನೆಯ ಮುಂದೆ
ಒಂದು ಬೋಳು ಮರವ ಕಂಡೆ
ಆ ಬೋಳು ಮರದ ಕೆಳಗೆ ಕೂತು
ಗೋಳಾಡುತ್ತಿದ್ದ ಒಬ್ಬ ತಂದೆ

ಮುಂದೆ ದಾರಿಯಿಲ್ಲ
ನನಗೆ ಹಿಂದೆ ಗುರುವು ಇಲ್ಲ
ತುಂಡು ಬೀಡಿಯೊಂದೆ ನನ್ನ ಜೀವನದಲ್ಲೆಲ್ಲಾ

ಇದ್ದ ಒಬ್ಬ ಮಗನೂ ನನ್ನ ಮೂಲೆ ಗುಂಪು ಮಾಡಿ
ಬಿಟ್ಟು ಹೊರಟು ಹೋದ ತನ್ನ ನಲ್ಲೆಯ ಜೊತೆಗೂಡಿ

ಇಂದು ನನ್ನ ಮನೆಯು ಪಾಳು ಬಿದ್ದೈತೆ
ನಾ ನೆಟ್ಟಿದ್ದ ಮರವು ಬೋಳು ಆಗೈತೆ
ಕನಸೆಲ್ಲಾ ದೂರಾಗಿ ಉಸಿರೆಲ್ಲಾ ಬೇರಾಗಿ
ಈ ದೇಹ ಮಾತ್ರ ಗೊಳಾಡ್ತೈತೆ.|

           -ಸೋಮೇಶ್ ಎನ್ ಗೌಡ