ಜೀವವಾಹ
ಜೀವವಾಹ
ಹಗಲಿರುಳು ಎಡೆಬಿಡದೆ
ನನ್ನೊಳಗೆ ನನ್ನಂತೆ
ಹರಿವ ಜೀವದ ವಾಹ ನೀನಲ್ಲವೇ
ಮಣ್ಣ ಕಣ-ಕಣದಿಂದ
ಸ್ಫುರಣಗೊಳೆ ಭವವಾಗಿ
ಅರಳ್ವ ಜೀವದ ವಾಹ ನೀನಲ್ಲವೇ
ಅಳವಿರದಾ ಕಾಶದಿಂದ
ಹರಿವ ಬಲ್ಝರಿಯಂತೆ
ಸುರಿವ ಜೀವದ ವಾಹ ನೀನಲ್ಲವೇ
ಕಡಲಿನಾಳದ ಬಸಿರ
ರತ್ನಗರ್ಭವ ಸೀಳಿ
ಹುಟ್ಟನೀಯುವ ವಾಹ ನೀನಲ್ಲವೇ
ಚಣಚಣವೂ ಉಸಿರಾಗಿ
ಹರಿದು ಒಳಹೊಳೆಯಾಗಿ
ನೆತ್ತರೊಡಲಿನ ವಾಹ ನೀನಲ್ಲವೇ
Rating
Comments
ಬರಹ ಚೆನ್ನಾಗಿದೆ.
ಬರಹ ಚೆನ್ನಾಗಿದೆ.
In reply to ಬರಹ ಚೆನ್ನಾಗಿದೆ. by ಮಮತಾ ಕಾಪು
ಧನ್ಯವಾದಗಳು ಮಮತಾ ಅವರೇ.
ಧನ್ಯವಾದಗಳು ಮಮತಾ ಅವರೇ.
ಈ ಭಾವ ಹೊರಡಿಸಿಹ ಸ್ರೋತ ನೀನಲ್ಲವೇ
ಈ ಭಾವ ಹೊರಡಿಸಿಹ ಸ್ರೋತ ನೀನಲ್ಲವೇ? ವಾಹ ನೀನಲ್ಲವೇ? ಭಾವ ನೀನಲ್ಲವೇ? ಸೊಗಸಾಗಿದೆ! ಧನ್ಯವಾದ.
In reply to ಈ ಭಾವ ಹೊರಡಿಸಿಹ ಸ್ರೋತ ನೀನಲ್ಲವೇ by kavinagaraj
ಧನ್ಯವಾದಗಳು ನಾಗರಾಜರೇ.
ಧನ್ಯವಾದಗಳು ನಾಗರಾಜರೇ.
ನಿಮಗೆ ಹಿಡಿಸಿದ್ದು ಖುಷಿಯಾಯಿತು.