ಮರಾಠೀ ಮತ್ತು ಕನ್ನಡದ ಸಂಬಂಧ - ಅಂತರ್ಜಾಲದ ಸತ್ಯ ಇತ್ಯಾದಿ

ಎಷ್ಟೋ ಸಿದ್ಧವಾದ ವಿಷಯಗಳನ್ನು ಕೂಡ ಮತ್ತೆ ಮತ್ತೆ ಹೇಳುತ್ತಲೇ ಇರಬೇಕಾಗುತ್ತದೆ .
ಉದಾಹರಣೆಗೆ , ಮರಾಠೀ ಮತ್ತು ಕನ್ನಡದ ಸಂಬಂಧ

೧. ಈಗಿನ ಮಹಾರಾಷ್ಟ್ರದಲ್ಲೆಲ್ಲ ಕನ್ನಡವೇ ಇತ್ತು .
೨. ೧೦-೧೨ ಶತಮಾನದ ಹೊತ್ತಿಗೆ ಮರಾಠಿ ಉದಯವಾಯಿತು .
೩. ಅದರ ಆಧಾರ ಕನ್ನಡವೇ .
೪. ಇದನ್ನು ಅನೇಕ ಮರಾಠೀ ಸಂಶೋಧಕರೂ ನೇರವಾಗಿ ಅಥವಾ ಸುತ್ತು ಬಳಸಿ ಒಪ್ಪಿದ್ದಾರೆ.
೫. ೫ ನೇ ಶತಮಾನದಿಂದ ೧೫ ರವರೆಗೆ ಮಹಾರಾಷ್ಟ್ರವನ್ನು ಕನ್ನಡ ಅರಸರೇ ಆಳಿದ್ದಾರೆ.
೬. ಅತೀ ಹೆಚ್ಚು ಕನ್ನಡ ಶಾಸನಗಳು ಮಹಾರಾಷ್ತ್ರದಲ್ಲೇ ಸಿಕ್ಕಿವೆ.
೭. ಮಹಾರಾಷ್ಟ್ರದಲ್ಲಿ ಸಿಕ್ಕ ಶಾಸನಗಳ ಪೈಕಿ ೭೫ % ಕನ್ನಡದ್ದೇ
೮. ಅಜಂತಾ ಎಲ್ಲೋರ ಕಟ್ಟಿದವರು ಕನ್ನಡಿಗರು .
೯. ಈ ಎಲ್ಲ ವಿಷಯವನ್ನು ಅನೇಕ ಪುಸ್ತಕ (ಶಂ.ಬಾ.ಜೋಷಿ ಯವರ ಪುಸ್ತಕಗಳು) ಮುಖಾಂತರವೂ ,
ಮಹಾರಾಷ್ಟ್ರ ಸರಕಾರದ ವೆಬ್‌ಸೈಟಿನ ಮೂಲಕವೂ , ಮಹಾರಾಷ್ಟ್ರದ ಇತಿಹಾಸದ ಮೂಲಕವೂ ( ಅವರ ಇತಿಹಾಸ ಶಿವಾಜಿಯಿಂದ ಆರಂಭ !) ಖಚಿತಪಡಿಸಿಕೊಳ್ಳಬಹುದು.
೧೦.ಹಳೆಯ ಮರಾಠೀ ಎನ್ನುವದು ಕನ್ನಡವೇ ಆಗಿದೆ.
೧೧. ಅಜಂತಾ ಎಲ್ಲೋರಗಳನ್ನು ಅವರ ಸಂಸ್ಕೃತಿಯ ಹೆಮ್ಮೆಯ ವಿಷಯ ಎಂದು ತೋರಿಸಿಕೊಳ್ಳುವದಿಲ್ಲ!
೧೨. ಏನೋ ಕಾರಣಗಳಿಗಾಗಿ ಇಲ್ಲಿಂದ ಕನ್ನಡ ಕಣ್ಮರೆ ಆಯಿತು . ಇದಕ್ಕೆ ಎರಡು ವಿವರಣೆಗಳಿವೆ.
೧. ವೈದಿಕ ಸಂಸ್ಕೃತಿಯ ಪುನರುತ್ತಾನ - ಮರಾಟಿ ಭಾಶೆಯ ಉದಯದೊಂದಿಗೆ ಇತ್ಯಾದಿ
೨. ಇನ್ನೊಂದು ಸಂಸ್ಕೃತವನ್ನು ಹೇಗೆ ಜೀರ್ಣಿಸಿಕೊಳ್ಳುವದು ಎಂಬ ಬಗ್ಗೆ ಕನ್ನಡದ ತಪ್ಪು ಹೆಜ್ಜೆ. ( ಇದರ ಬಗ್ಗೆ ಸರಿಯಾಗಿ ತಿಳಿದಿಲ )
೧೨. ರಾಜಕೀಯ ಕಾರಣಗಳಿಂದಾಗಿ ಕರ್ನಾಟಕದ ಬಹು ಭಾಗ ಒಂದು ಅಂಧಕಾರ ಯುಗ ಕಂಡಿತು. ಉತ್ತರ ಕರ್ನಾಟಕದ ಮೇಲೆ ಮರಾಠೀ ಆಡಳಿತದ ಮೇಲುಗೈ ಆಗಿ ಸ್ವಲ್ಪ ಮರಾಠೀ ಪ್ರಭಾವ ಆಗಿದೆ .

ಈ ವಿಷಯ ಅಷ್ಟೇ ಅಲ್ಲ ; ಅನೇಕರು ಅಂತರ್ಜಾಲದಲ್ಲಿರುವದೇ ಸತ್ಯ . ಎಂದೂ ಅಂತರ್ಜಾಲದಲ್ಲಿನ ಆಧಾರಗಳೇ ಅಂತಿಮ ಎಂದೂ ನಂಬುತ್ತಾರೆ! . ಇದಕ್ಕೆ ಅಂತರ್ಜಾಲ ಪುಕ್ಕಟೆಯಾಗಿರುವದೂ , ಕೂತ ಸ್ಥಳದಲ್ಲಿಯೇ ಮಾಹಿತಿ ( ಸರಿಯೋ , ತಪ್ಪೋ ) ಸಿಗುವದೂ ಕಾರಣವಿರಬೇಕು! .

ಒಂದು ಒಳ್ಳೆಯ ಪುಸ್ತಕದ ಬಗ್ಗೆ ಹೇಳುತ್ತಿದ್ದಂತೆ , ಅಂತರ್ಜಾಲದಲ್ಲಿ ನ ಕೊಂಡಿಯನ್ನು ಕೇಳುತ್ತಾರೆ! . ಹೊಸದಾದ ಮಾಧ್ಯಮ ಆಗಿರುವ ಅಂತರ್ಜಾಲ ಸೇರದ ಎಷ್ಟೋ ವಿಷಯಗಳಿವೆ ಎಂಬುದನ್ನು ಮರೆಯುತ್ತಾರೆ! . ಕೊಂಡು ಓದಲು , ಪುಸ್ತಕ ಹುಡುಕಲು ಒಲ್ಲರು!

ಇದೆಲ್ಲ ನಾನು ಓದಿ ತಿಳಿದ ವಿಷಯ ಮತ್ತು ಅನಿಸಿಕೆ .