'ಅಪೂರ್ವ ಕವನದ' ಕುರಿತು ಡೀವೀಜಿಯವರ ಮಾತು

ಶ್ರೀಧರ ಜಿ, ನಿಜ ಹೇಳಬೇಕೆಂದರೆ ನನಗೆ ನಿಮ್ಮ ಪ್ರತಿಕ್ರಿಯೆ ಓದುವುದೆ ಒಂದು ರೀತಿಯ ಸೊಗಸು - ಎಷ್ಟೆಲ್ಲಾ ವಿಷಯ ತಿಳಿದಂತಾಗುತ್ತದೆ ಮತ್ತು ಅದನ್ನು ನೀವು ಅಷ್ಟು ಸರಳವಾಗಿ ಬರೆಯು ರೀತಿಗೆ ಅಚ್ಚರಿಯಾಗುತ್ತದೆ ( ನಿಮ್ಮ ಲಲಿತಾ ಸಹಸ್ರ ನಾಮದಂತಹ ಕ್ಲಿಷ್ಟ ವಸ್ತುಗಳ ಅನುವಾದವೂ ಸೇರಿದಂತೆ). ನಿಮ್ಮ ಸಲಹೆಯನ್ನು ಖಂಡಿತ ಗಮನದಲ್ಲಿಟ್ಟುಕೊಂಡು, ಅಳವಡಿಸಿಕೊಳ್ಳಲು ಪ್ರಾಮಾಣಿಕವಾಗಿ ಪ್ರಯತ್ನಿಸುತ್ತೇನೆ. ಬರೆಯುವಾಗ, ಈ ಮೇಲೆ ಡೀವೀಜಿಯವರು ಹೇಳಿದ ಕವಿ ಮನದ ಪ್ರಕ್ರಿಯೆಯೆ ನನ್ನಲ್ಲು ನಡೆಯುವುದರಿಂದ ಸೃಷ್ಟಿಯಾಗುವ ವಸ್ತುವಿನ ಮೇಲೆ ನೇರ ಹತೋಟಿಯಿರುವುದಿಲ್ಲವಾದರು, ಬರೆದಾದ ನಂತರ ಪರಾಮರ್ಶಿಸಿ ಸರಳಿಕರಿಸುವ ಸಾಧ್ಯತೆ ಖಂಡಿತ ಇದೆ (ನನ್ನ ಸದ್ಯದ ವಿಧಾನದಲ್ಲಿ ನಾನು ಸಾಧರಣ ಕವನ ಬರೆದಾದ ಮೇಲೆ ಹೆಚ್ಚು ಬದಲಿಸುವುದಿಲ್ಲ - ಮೂಲ ಸೃಷ್ಟಿಗೆ ಅಪಚಾರವಾಗದಿರಲೆಂದೊ, ಅಥವಾ ಸೋಮಾರಿತನವೊ!). ಸರಳವಾದಷ್ಟು ಹೆಚ್ಚು ಜನರನ್ನು ಸುಲಭವಾಗಿ ತಲಪುವುದರಿಂದ ನಿಮ್ಮ ಸಲಹೆ ಸರ್ವಮಾನ್ಯ! ಇದನ್ನು ಬರೆಯ ಹೊರಟಾಗಲೂ ಡೀವೀಜಿಯವರಂತಹ ಮಾತುಗಳನ್ನು ಕವನವಾಗಿಸುವಂತಹ ಧಾರ್ಷ್ಟ್ಯ, ಸಾಹಸ ತರವೆ ಎಂಬ ಪ್ರಶ್ನೆಯ ಜತೆಗೆ ಸಾಧ್ಯವೆ ಎಂಬ ಕುತೂಹಲವು ಸೇರಿಕೊಂಡಿತ್ತು. ಆದರು, ಅವರ ಮೂಲ ಆಶಯಕ್ಕೆ ಧಕ್ಕೆಯಾಗಿಸದಂತೆ ಎಚ್ಚರದಲ್ಲಿ ಬರೆವ ಪ್ರಕ್ರಿಯೆಯಲ್ಲಿ ತುಸು ಸರಳತೆಯ ಕಳುವೂ ಆಗಿರಬೇಕು. ಅಂದ ಹಾಗೆ ಅವರ ಮಾತುಗಳಲ್ಲಿ ನನಗೆ ತೀರಾ ಮೆಚ್ಚಿಕೆಯಾದದ್ದು ಅಥವಾ ಗಹನವಾದದ್ದೆಂದರೆ - ಕಾಲಾತೀತತೆಯ ಬಗ್ಗೆ ಅವರು ಬರೆದ ನುಡಿಗಳು; ಆ ಸಾಲುಗಳನ್ನು ಓದಿದಷ್ಟು ಹೊಸ ಹೊಸ ಅರ್ಥವ್ಯಾಪ್ತಿಗಳು ಹೊಳೆಯುತ್ತವೆ! ತ್ರಿಕಾಲಗಳನ್ನು ಏಕೀಕರಿಸಿ ಒಂದು ಕೇಂದ್ರದಲ್ಲಿ ತಂದು ನಿಲಿಸಿದಾಗಲೆ ಕವಿ ಕಾವ್ಯ ಸಾಫಲ್ಯ ಎಂದು ಓದಿದಾಗ ಆ ಉನ್ನತಸ್ತರದ, ಎತ್ತರದ ಗಹನತೆಗು ನಮ್ಮ ಎಳಸಾಟದ ಪ್ರಲಾಪಕ್ಕು ಇರುವ ಕಂದಕದ ಅರಿವಾಗುತ್ತದೆ! ಸಲಹೆಗೆ ಮತ್ತೆ ಧನ್ಯವಾದಗಳು :-) - ನಾಗೇಶ ಮೈಸೂರು, ಸಿಂಗಪುರದಿಂದ