ಮ್ಯಾಂಗೋ ಮೇಳ

1980-85ರ ಸಮಯದಲ್ಲಿ ನೆಂಟರಿಷ್ಟರೊಡನೆ ಬೆಂಗಳೂರು ಸುತ್ತಾಟ ಅಂದರೆ- ಕಬ್ಬನ್ ಪಾರ್ಕ್, ವಿಧಾನ ಸೌಧ, ಲಾಲ್ ಬಾಗ್ ತೋರಿಸುವುದು. ಸ್ವಲ್ಪ ಹಿರಿಯರಾದರೆ- ಬಸವನಗುಡಿ, ಗವಿಗಂಗಾಧರೇಶ್ವರ ಟೆಂಪ್‌ಲ್; ವಿಜ್ಞಾನದಲ್ಲಿ ಆಸಕ್ತಿ ಉಳ್ಳವರಾದರೆ ಮ್ಯೂಸಿಯಂ ರೋಡಲ್ಲಿರುವ ಮ್ಯೂಸಿಯಂಗಳು ; ಕನ್ನಡ/ಹಿಂದಿ ಸಿನೆಮಾಸಕ್ತರಾದರೆ ಕೆಂಪೇಗೌಡ ರೋಡ್‌ನ ಥಿಯೇಟರ್‌ಗಳ ಮುಂದೆ ಕ್ಯೂ ನಿಲ್ಲುವುದು ;
ಇಂಗ್ಲೀಷ್ ಸಿನೆಮಾ ಬೇಕೆಂದರೆ ಎಮ್ ಜಿ ರೋಡ್‌ಗೇ ಹೋಗಬೇಕು- ಈ ಇಂಗ್ಲೀಷ್ ಸಿನೆಮಾಗಳು ಥಿಯೇಟರ್‌ನೊಳಗೆ ಹೊಕ್ಕು, ಸೀಟು ಹಿಡಿದು, ಒಂದೆರಡು ಸಲ  ಆಕಳಿಸುವುದರೊಳಗೆ ಮುಗಿದು ಹೋಗುವುದು. ಅಷ್ಟು ದೂರ ಬಂದುದು ವೇಸ್ಟ್ ಆಗುವುದು ಬೇಡ ಎಂದು ಅಲ್ಲೇ ಬಳಿಯ ಬ್ರಿಗೇಡ್ ರೋಡ್ ಸುತ್ತಾಡಿ, ಆಗಿನ ಕಾಲದ ಎತ್ತರದ ಕಟ್ಟಡ ಪಬ್ಲಿಕ್ ಯುಟಿಲಿಟಿ ಬಿಲ್ಡಿಂಗ್ ತೋರಿಸಿ, ಎಮ್.ಜಿ ರೋಡ್‌ನ boulevard ನಲ್ಲಿ ವಾಕ್ ಮಾಡಿ, ಕಬ್ಬನ್ ಪಾರ್ಕ್ನಲ್ಲಿ ಐಸ್ ಕ್ರೀಂ ತಿಂದು ಹಿಂದೆ ಬರುತ್ತಿದ್ದೆವು. ಎಮ್ ಜಿ ರೋಡ್‌ನ ಬಲಬದಿ ಜನದಟ್ಟಣೆ, ವಾಹನಗಳಿಂದಾಗಿ ಗಜಿಬಿಜಿಯಾಗಿದ್ದರೆ, ಎಡಬದಿಯ boulevard ಗಾಂಧಿ ಹೆಸರಿಗೆ ತಕ್ಕಂತೆ ಶಾಂತವಾಗಿರುತ್ತಿತ್ತು. ಮೆಟ್ರೋ ರೈಲಿಗಾಗಿ ಈ boulevardನ್ನು ತೆಗೆದಾಗ ಬೇಸರವಾಯಿತು. ಆದರೆ ಈಗ ಪುನಃ ಅದನ್ನು ಎರಡು ಅಂತಸ್ತಿನಲ್ಲಿ ಚೆನ್ನಾಗಿ ಮಾಡಿದ್ದಾರೆ. ಇನ್ನೂ  ಸುಮಾರು ಕೆಲಸ ಆಗಲು ಬಾಕಿ ಇದೆ.(ಚಿತ್ರಗಳನ್ನು ಗಮನಿಸಿ-ರಸ್ತೆಯಲ್ಲಾಗಲಿ, ಮೆಟ್ರೋ ಸ್ಟೇಶನ್‌ನಲ್ಲಾಗಲೀ ..ಜನನೇ ಇಲ್ಲ!) ಆದ್ದರಿಂದ ಸದ್ಯಕ್ಕೆ ಎಮ್ ಜಿ ರೋಡ್ ಭೇಟಿ ಮುಂದಕ್ಕೆ ಹಾಕಿ. ಅದರ ಬದಲು ಲಾಲ್ ಬಾಗ್‌ಗೆ ಹೋಗಿ-
ಅಲ್ಲೀಗ ಮಾವು ಮತ್ತು ಹಲಸಿನ ಎಕ್ಸಿಬಿಷನ್ ಮತ್ತು ಮೇಳ ನಡೆಯುತ್ತಿದೆ. ಬೆಳಗ್ಗೆ ಬೇಗ ಹೋಗಿ ಒಂದು ರೌಂಡ್ ವಾಕಿಂಗ್/ಜಾಗಿಂಗ್ ಮಾಡಿ, ಮೇಳ ನಡೆಯುವ ಸ್ಥಳಕ್ಕೆ ಹೋದರೆ (ದೊಡ್ಡ ಬಂಡೆಗಲ್ಲು ಮತ್ತು ಗಾಜಿನಮನೆಯ ನಡುವಿನ ಸ್ಥಳ) ಅಲ್ಲಿ ಉದ್ದಕ್ಕೂ ವಿವಿಧ ತರಹದ ಹಲಸು ಮತ್ತು ಮಾವು (+ಉಪ್ಪಿನಕಾಯಿ ಸಹ) ಮಾರಾಟಕ್ಕಿದೆ. ಅವರು ಕೊಟ್ಟ ಸ್ಯಾಂಪ್‌ಲ್ ಪೀಸ್ ತಿನ್ನುತ್ತಾ ಹೋಗಿ ಹೊರಬಂದರೂ ಆಗುತ್ತದೆ.:) ಚೀಲ ತರಲು ಮರೆತು ಹೋಗಿದ್ದರೆ ಅಲ್ಲೇ ಚೀಲವೂ ಸಿಗುವುದು.
ನೆನಪಿರಲಿ ಈ ಎಕ್ಸಿಬಿಷನ್ ಈ ತಿಂಗಳ ಕೊನೆಯವರೆಗೆ ಮತ್ತು ಮೇಳ ಜೂನ್ ೧೫ರವರೆಗೆ ಮಾತ್ರ. ವೆರೈಟಿ ಈ ಸಲ ಕಮ್ಮಿಯಿದೆ-ರುಚಿಯೇನೂ ಕಮ್ಮಿ ಇಲ್ಲ.

http://www.bangalorewaves.com/news/bangalorewaves-news.php?detailnewsid=9924