ನ್ಯಾನೋ ಕತೆಗಳು (ಭಾಗ ಏಳು)

ಭಯೋತ್ಪಾದಕ ರಾಷ್ಟ್ರವೊಂದರ ದಾಳಿಗೆ ತುತ್ತಾದ ರಾಷ್ಟ್ರದ ಜನ ಆ ದೇಶದ ಜೊತೆ ಕ್ರಿಕೆಟ್ ಆಡುವುದನ್ನು ನಿಲ್ಲಿಸಬೇಕೆಂದು ಆಗ್ರಹಿಸಿದರು.ಎಲ್ಲ ರೀತಿಯ ರಾಜತಾಂತ್ರಿಕ ಸಂಬಂಧಗಳನ್ನು ಮುರಿದುಕೊಳ್ಳಬೇಕೆಂದು ಒತ್ತಾಯಿಸಿದರು,ಯಾವುದೇ ಸಹಾಯ ಮಾಡಬಾರದೆಂದರು.ಅದೇ ಭಯೋತ್ಪಾದಕ ರಾಷ್ಟ್ರದ ನಟಿಯೊಬ್ಬಳು ಈ ದೇಶದ ಪ್ರಾದೇಶಿಕ ಭಾಷೆಯ ಸಿನಿಮಾದಲ್ಲಿ ನಾಯಕಿಯಾದಳು.MESSSGE ORIENTED CINEMA ಎಂಬ ಸಂದೇಶದಡಿ ಅಶ್ಲೀಲ ಸಿನಿಮಾವನ್ನು ಜನ ಮುಗಿಬಿದ್ದು ನೋಡಿದರು.ಆ ರಾಷ್ಟ್ರದ ನಟಿಯ ಚಿತ್ರ ಯಶಸ್ವಿಯಾಗಲು ಈ ದೇಶದ ಜನತೆ ಸಹಕಾರ ನೀಡಿದರು

***************************************************************************************************************************

                                                                                                                                                                                                                                                                                                                                                                                                                                                                                                                                                                                                                                                                                                                                                                              ಈರುಳ್ಳಿಯ ಬೆಲೆ ಏಕಾಏಕಿ ಜಾಸ್ತಿಯಾಯಿತು.ಊರಿನ ಜನ ಸುಮ್ಮನಿದ್ದರು.ಹಾಲಿನ ದರ ಹೆಚ್ಚಿತು.ಜನ ನಿಟ್ಟುಸಿರಾದರು.ಲೀಟರ್ ಹಾಲಿಗೆ ಎರಡು ರೂಪಾಯಿ ಹೆಚ್ಚಾದರೆ,ಹೊಟೆಲ್ಲಿನವನು ಒಂದು ಕಪ್ ಚಹದ ಬೆಲೆ ಎರಡು ರೂಪಾಯಿ ಹೆಚ್ಚಿಸಿದ.ಬೆಲೆ ಹೆಚ್ಚಾದಾಗ ಅವನಾದರೂ ಏನು ಮಾಡುತ್ತಾನೆ ಪಾಪ,ಎಂದರು.ಒಂದು ಜಾತಿಯ ಹುಡುಗ, ಅದೇ ಊರಿನ ಇನ್ನೊಂದು ಜಾತಿಯ ಹುಡುಗಿಯನ್ನು ಪ್ರೀತಿಸಿದ.ಜನ ಹುಡುಗನ ತಂದೆಗೆ ಹೊಡೆದರು,ಹುಡುಗಿಯ ಮನೆ ಸುಟ್ಟರು.ಇಬ್ಬರು ಸತ್ತರು,ಊರಿನಲ್ಲಿ ಕರ್ಫ್ಯೂ ಜಾರಿಗೊಳಿಸಲಾಯಿತು

*******************************************************************************************************************************

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               ಆತ ಮಹಾ ರಸಿಕನೆಂದು ತನ್ನ ಸ್ನೇಹಿತರ ವಲಯದಲ್ಲಿ ಭಾರಿ ಪ್ರಸಿದ್ಧ ವ್ಯಕ್ತಿ.ಮದುವೆಯಾಗಿ ಎರಡು ಮಕ್ಕಳಾಗಿದ್ದರೂ ಹೊಸ ಹೊಸ ಹುಡುಗಿಯರನ್ನು ಪಟಾಯಿಸುವುದರಲ್ಲಿ ಎತ್ತಿದ ಕೈ. ಅವನ ಅದೃಷ್ಟ ಕಂಡು ಹೊಟ್ಟೆಕಿಚ್ಚು ಪಡುವ ಸ್ನೇಹಿತರೂ ಅವನಿಗಿದ್ದಾರೆ.ಹೆಂಡತಿಗೆ ಆಫೀಸಿನ ಕೆಲಸವೆಂದು ಹೇಳಿ ಹದಿನೈದು ದಿನಕ್ಕೊಮ್ಮೆ ತನ್ನ ಹೊಸ ಗೆಳತಿಯರೊಡನೆ ಬೇರೆ ಊರುಗಳಿಗೆ ಹೋಗುವುದು ಅವನಿಗೆ ಸರ್ವೇ ಸಾಮಾನ್ಯ.ಅವನ ಹೆಂಡತಿ ಸ್ವಂತಕ್ಕೊಂದು ಮೇಡಿಕಲ್ ಸ್ಟೋರ್ ನಡೆಸುತ್ತಾಳೆ.ಪರ ಪುರುಷರು ಬಂದು ಕೇಳಿಬಿಡುತ್ತಾರೆಂಬ ಕಾರಣಕ್ಕೆ ಆತ ಅಂಗಡಿಯಲ್ಲಿ ಕಾಂಡೋಮ್ ಮಾರದಂತೇ ಹೆಂಡತಿಗೆ ಆಜ್ನೆ ಮಾಡಿದ್ದಾನೆ

********************************************************************************************************************************