ಒಳಿತು-ಕೆಡುಕಿನ ಯೋಚನೆ (ಶ್ರೀ ನರಸಿಂಹ 76)

ಎಲ್ಲ ಯೋಚನೆಗಳು ಎಲ್ಲರಲಿ ಬಂದು ಹೋಗುವುದು

ಬರುವ ಸಮಯವದು ಮಾತ್ರವೆ  ಬದಲು ಆಗುವುದು

ಸಾಗರದಲಿ  ರೌದ್ರ, ಶಾಂತತೆಯ ಅಲೆಗಳಿರುವಂತೆ

ಮನದೊಳೇಳುವ ಕೆಟ್ಟ,ಒಳ್ಳೆಯ ಯೋಚನೆಗಳಂತೆ

ಮನದಿ ಬರುವ ಯೋಚನೆಗಳಂತೆ ನೀ ನಡೆಯದಿರು

ಅರಿಯದೆ ಅದರೊಳಿತು,ಕೆಡುಕ ಮುಂದಡಿಯಿಡದಿರು

ಜಗಕೊಳಿತಾಗುವ ಯೋಚನೆಗಳೆ ಮನದಿ ಬರಬೇಕು

ಜಗದಲಿಹ ಎಲ್ಲರಲಿ,ಎಲ್ಲದರಲಿ ನಿನ್ನ ನೀ ಕಾಣಬೇಕು

ಎಲ್ಲ ಯೋಚನೆಗಳಿಂದಲಿ ನೀ ಮುಕ್ತಗೊಳಿಸಬೇಕಿಹುದು ಮನಸನು

ಸಾಧಿಸಿದನು ಮಾಡುತನವರತ ಶ್ರೀನರಸಿಂಹನ ನಾಮ ಜಪವನು