ಕಚ'ಗುಳಿಗೆ'

ಇಟ್ನಾಳರಿಗೆ ನಮಸ್ಕಾರ, ನನಗೆ ಚುಟುಕ ಬರೆದ ಅಭ್ಯಾಸ, ಅನುಭವ ಕಡಿಮೆ. ಹೀಗಾಗಿ ಅದರ ಕುರಿತು ತುಸು ಅನುಮಾನವಿತ್ತು. ನಿಮ್ಮ ಪ್ರತಿಕ್ರಿಯೆ ಓದಿದಾಗ ಎಲ್ಲೊ ಓದಿದ್ದು ನೆನಪಾಯ್ತು - ಒಮ್ಮೆ ನಕ್ಕರೆ ಸುಮಾರು 64 ಜತೆ ನರಗಳು ತಂತಾನೆ ವ್ಯಾಯಮವಾದಂತೆ ವಿಕಸಿತವಾಗುತ್ತವಂತೆ. ನಗೆ ಒಂದು ರೀತಿ ಔಷದವಿಲ್ಲದ ಪರಿಹಾರವಾದ್ದರಿಂದ ನಿಮ್ಮ ಮಾತು ಸಂಪೂರ್ಣ ನಿಜ - ಬಹುಶಃ ನಗುವಿನ ಪ್ರಹಸನಗಳನ್ನು ಮಾತ್ರ ಎಲ್ಲರೂ ನೋಡುವುದರಿಂದ ಟಿಆರ್ಪಿಯು ಹೆಚ್ಚೇನೊ? (ಮಿಕ್ಕವನ್ನು ಆಯ ಗುಂಪಿನ ಆಸಕ್ತರು ಹೆಚ್ಚು ನೋಡುತ್ತಾರಾದರೂ, ಹಾಸ್ಯಕ್ಕೆ ಎಲ್ಲರು ಗ್ರಾಹಕರೆ ಚಂದಾದಾರರೆ) :-)
.
ಧನ್ಯವಾದಗಳೊಂದಿಗೆ 
ನಾಗೇಶ ಮೈಸೂರು

ಪಾಟೀಲರೆ ನಮಸ್ಕಾರ, ತಮಗೆ ಸರಳ ಚುಟುಕಗಳು ಹಿಡಿಸಿದ್ದು ಖುಷಿಯಾಯ್ತು. ಆದಷ್ಟು ಸರಳವಾಗಿ ಹೇಳುವ ಪ್ರಯತ್ನದಲ್ಲಿ ಎಷ್ಟೋಬಾರಿ ಅರಿವಿಲ್ಲದೆ ಸಂಕೀರ್ಣತೆ ಸುಳಿದುಬಿಡುತ್ತದೆ. ಉದ್ದನೆಯ ಕವನಗಳಲ್ಲಿ ಇದನ್ನು ತಡೆಯುವುದು ಕಷ್ಟವೆ. ಆದರೆ, ಈ ಚೋಟಾ ಮೆಣಿಸಿನ ಕಾಯಿಗಳಲ್ಲಿ ಸಾಧ್ಯತೆ ಸ್ವಲ್ಪ ಹೆಚ್ಚೆನಿಸಿ ಒಂದು ಸಣ್ಣ ಯತ್ನ ಮಾಡಿದೆ. ಪ್ರತಿಕ್ರಿಯೆಗೆ ಧನ್ಯವಾದಗಳು. ನಾಗೇಶ ಮೈಸೂರು :-)

ನಮಸ್ಕಾರ ರವೀಂದ್ರರೆ, ಈ ಗುಳಿಗೆಗಳು 'ಫ್ರೀ' ಆದಕಾರಣ, ನಗಿಸಲಿ, ಬಿಡಲಿ ಪ್ರಯತ್ನಿಸಲಂತೂ ಅಡ್ಡಿಯಿರಲಿಕ್ಕಿಲ್ಲ ಎಂದು ಭಾವಿಸಿದ್ದೆ. ಆದರೆ ನಿಮ್ಮ ಪ್ರತಿಕ್ರಿಯೆಯಿಂದ ಮತ್ತೊಂದು "ಧನಾತ್ಮಕ ಅಡ್ಡ ಪರಿಣಾಮ (= ಚಿಂತನೆಗೆ ಹಚ್ಚುವ)" ಕೂಡ ಸಾಧ್ಯವಿದೆಯೆಂದು ಅರಿವಾಯ್ತು! ತಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು. ನಾಗೇಶ ಮೈಸೂರು :-)

ಭಲ್ಲೆಯವರೆ ನಮಸ್ಕಾರ, ಚುಟುಕ ಚಟಾಕಿಗೆ ಪ್ರತಿಕ್ರಿಯಿಸುತ್ತ ಮತ್ತೊಂದು ಸೊಗಸಾದ ಕವನವನ್ನೆ ಹೊಸೆದುಬಿಟ್ಟಿದ್ದೀರಾ :-) ಜತೆಗೆ ಈ ಕೆಲವು ಹೇಳದೆ ಬಿಟ್ಟ ಸಾಲುಗಳನ್ನು ಸೇರಿಸಬಹುದೆನಿಸುತ್ತದೆ:
...
ಏಳದಿದ್ದವನಿಗೆ ಬದುಕೆಲ್ಲ ವಿಷಾದ
ಪಾಪ, ಕವಿಯಾಗಿ ಕವಿತೆಗಳ ಹೊಸೆದ
ಕೈಲಾಗದೆ ಮೈ ಪರಚಿಕೊಂಡ ಉನ್ಮಾದ!

(ಹಾಸ್ಯದ ಲಹರಿಗೆ ಕವಿವರ್ಯರುಗಳ ಕ್ಷಮೆ ಕೋರುತ್ತ)

ತಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು :-)
ನಾಗೇಶ ಮೈಸೂರು

ಧನ್ಯವಾದಗಳು ಕವಿಗಳೆ, ಎಲ್ಲಾ ಕಂಡಿದ್ದು, ಕೇಳಿದ್ದು, (ಅವರಿವರು) ಅನುಭವಿಸಿದ್ದು :-)
ಧನ್ಯವಾದಗಳೊಂದಿಗೆ 
ನಾಗೇಶ ಮೈಸೂರು