ಸತ್ಯ-ಮಿಥ್ಯ (ಶ್ರೀ ನರಸಿಂಹ 77)

ಕಣ್ಣೆಗೆ  ಕಾಣುತಿಹ ನೋಟವದು ಸತ್ಯವೆಂದೆನಿಸುವುದು

ಒಳಹೊಕ್ಕು ನೋಡಲದೊಮ್ಮೊಮ್ಮೆ ಮಿಥ್ಯವಾಗಿಹುದು

ದೂರದಲಿ ನಿಂತು ನೋಡಲು ಸುಂದರವು ನದಿ ಹರಿವು

ಕಾಣಿಸದು ಕಣ್ಣಿಗೆ ನದಿಯೊಳಗಿರುವ ಸುಳಿಯ ಇರುವು

ಹೊರ ನಡೆ, ನುಡಿ ನೋಡುತಲಿ ಯಾರನು ನಂಬದಿರು

ಕೆಡುಕು ತುಂಬಿರಬಹುದವರ ಮನದಲಿ ಎಚ್ಚರವಾಗಿರು

ಕಪಟತೆಯೆ ತುಂಬಿಹುದು ಅಧಿಕವಾಗಿಂದು ಈ ಜಗದಿ

ಪರಿಕಿಪದೆ ನಂಬದಿರಾರನು,ಯಾವುದನು ನೀನು ಭರದಿ

ಮರಳುಗಾಡಿನಲಿ ಬಿಸಿಲ್ಗುದರೆಯ ತೆರದಿ ಜಗದಲೆಲ್ಲವು ಮಿಥ್ಯ

ಇದನರಿಯೇ ಅನವರತ ಜಪಿಸು ಶ್ರೀನರಸಿಂಹ ನಾಮವ ನಿತ್ಯ